تنبيه

تــنـبـيـه ... كــل ما يـنـشر بهـذه المـدونـة مـسـجـل من قـبـل حـقـوق الـمـلكـية الفـكـريـة و أي اقـتـبـاس او نـقـل لمحتـوى المدونـة يعرضــك للمسـائلـة القـانـونـيـة

الأربعاء، 17 ديسمبر، 2008

احــــذرنـــي


احذرني و احذر ثوراتي
فانا كالفرس في حركاتي
و سكناتي و رقصاتي
فجموحي لهيب يذيب الشمس
و تحت مسامي فرشات

*****
احذرني و احذر كلماتي
فصوتي غناء الناياتِ
يسكرك نغم همساتي
فتدمن شهد كلماتي
و تهزي لفقد عباراتي

*****

احذرني واحذر نظراتي
فرماحي قواطع نافذة
تخترق القلب بلحظاتِ
فتموت صريعاَ دون اللمس
و تصير شهيد النظرات

*****

احذرني واحذر لمساتي
فحرائر جسدي ستأخذك
إلي حيث عصور الملكاتِ
فتغيب بقصر اللذاتِ
و يصرعك دفء المساماتِ

*****

احذرني واحذر قبلاتي
فمساس مسام ورود الفم
سَتُطيح بعقلك الباقي
و يجن جنون النشوات
فتسال عني الطرقات

*****

احذرني و احذر لعناتي
فانا سأظل سحراً يربط قلبك
إلي أن تصمت نبضاتي
أو أن تموت و أنت بين راحتي
فاحذرني و احذر يوماً ملاقاتي
بقلم/ هــاجر العشري

الجمعة، 5 ديسمبر، 2008

عصـــيان قـــلم


يعاندني القلم
فلا أقوى علي الكلم
كلما داعبته بأناملي
يصرخ مداده شاكياَ من الألم
أعاود لمسه في وهن
فيجابهني في وجم
ألا تَكُفْي عن الأذى
فوالله منكِ قد شعرت بالسقم
فقد مللت أحزانك و فرحك
و مللت أن اجلس ساعات بين جلال صرحك
أتراقص فوق بياض ورقك
و انثر مدادي ليكتب خلجات نفسك
فانا أعُلن العصيان على شِعرك و نثرك


اعتذر منكم عن الغياب
فأنا يعاندني القلم

بقلم/ هــاجر العشـــري

الأربعاء، 12 نوفمبر، 2008

لازلــــت حــــواء


وقفت علي أعتاب شريانها أسالها الدخول
فقالت و صوتها يملؤه الذهول
أ و تدري من أنا أ تعي ما تقول
أنا البحر إذا ثار موجه و تراقص علي حبات الرمال
أنا كالبحر في هدوءه و جنونه و في الجمال
فهل تقوى علي البحر في كل الأحوال
فقلت اسألي نجوم الليل
التي شهدت كم من ليالي كحل السُهد الجفون
و اسألي القلب عن ابتهالاته في محراب العيون
عيونك التي صارت القِبلة للراهب المفتون
و اسألي ثغري كم تمنى أن يطوف حول ثغرك الفتان
و أنظري لذرات جسدي التي ذابت في الهواء
لتضم بساتينك الدافئة الغَنّاء
و تسألين إن كنت أقوى على أمواجك الهوجاء
فوالذي أبدع محياكِ
إن كُنتِ سجينة في برج من العاجِ
و يَحرُسكِ كبير المردة العاتي
و من حولك بحار النار و الموتِ
سأغزو قلوع حُراسك
و اقتُل من بالأذى مَسّك
و اصنع من شعاع الشمس قصرك
و من النجمات يكون عرشك
و من قلبي وسادة تلثم ليل شَعرك
و من روحي غطاء يضم الدر عن جسدك
فيا كوكب يدور الكون من حولك
هل لي بأن اطمع بالدوران في فَلكك
و أن أكون أنا شمسك أنا بدرك
و أن أكون أنا سماءك أنا أرضك
قالت كم من فوارس و ملوك و حكام
و مئات و ألوف من الأنام
خطبوا الود بالدر و المرجان
و قصور سُندسُها ألوان
و بحار ذهب ليس لها من شطئان
كانوا لو وددت كخاتم سُليمان
لكن ليس للذهب و المال عَلّى من سُلطان
أنا امرأة تبحث عن الأوطان
تبحث عن دفء الأمان في الأحضان
تبحث عن فارس من عالم الفرسان
ابحث عن رجل اهديه رياحين مشاعر الوجدان
ادخله عالم من الحب لم يكن له في الحُسبان
عالم أزهاره و وروده نبضات من قلب الأفنان
عالم نغماته و ألحانه ضحكات من صوتي الرنان
و أريج عطور تُسكره من ثنايا الثوب الفتان
و نجوم الليل ستتراقص مع رقصات الخصر بإتقان
سأكون أنا الفُلك و هو الرُبان
و أنا المُلْك و هو السلطان
فانا لن أحيا بلا عنوان
فَكُن أنت عنواني كن الأوطان
كُن المرسى و الميناء
كُن اليد التي تمسح عني العناء
كُن أنت غابات الحناء
التي تخضب قلبي بالحب و البهجة و الهناء
كن ادم فانا لازلت حواء


بقلم / هــــاجر العشــــري

الأحد، 26 أكتوبر، 2008

خمسة تدوين



هل سمعت هذه الكلمة من قبل؟؟ إنها باختصار اسم مجموعة جديدة للمدونين على الـ Face Book تسعى لدعم روابط التعاون والتواصل بين المدونين وهى ليست كغيرها من المجموعات التى تهتم بشكل رئيسى بالأخبار واللقاءات وما شابه (وإن كانت هذه الأمور تحتل موقعا فى المجموعة سيتم الاعلان عنه فى حينه) وإنما اهتمامنا منصب بالأساس على التعرف على المدونين ومدوناتهم من خلال باب (عرف نفسك) وتهتم كذلك بفكرة جديدة من نوعها (كملها انت لوتقدر) وهى فكرة تعتمد على اشتراك كل أعضاء المجموعة فى كتابة قصة واحدة دون اتفاق مسبق على الأفكار بحيث يبدأ احدنا الفكرة ثم يساهم كل عضو بجزء من القصة قد تغيرمجرى الأحداث تماما حتى تنتهى وقد كتبنا بالفعل قصة شيقة للغاية اتمنى أن تقرءوها، كذلك لدينا باب خاص للمنظرات الشعرية (مناظرة شعرية فهل من مبارز) تعتمد على أن يكتب كل منا جزء من القصيدة ويكمل الآخرون فى نفس السياق أو خارجه.
ليس كل ما سبق سوى مجرد ضربة البداية لهذه المجموعة وسنبدأ إن شاء الله بوضع أفكار جديدة أخرى بناءاً على إقتراحاتكم ومشاركاتكم وما ندخره للمشتركين من مفاجآت أخرى.
كما ترون هى مجموعة شيقة تستوعب كافة المواهب الأدبية للتعبير عن نفسها، نتمنى زيارتكم وانضمامكم لنا وتعاونكم معنا ونعدكم بقضاء وقت ممتع بين أعضاء هذه المجموعة.

لينك الجروب

الأحد، 12 أكتوبر، 2008

ســاكنة القصـــر



أمُر من أمام ديارها
عَلـّي أراها تطل بنور الوجهِ
أو حتى ألمح طرف خيالها
من بين ستائر الشرفة المخملي
و يرجف القلب حين ألمحُ ظلها
و كأن أعاصير الكون تجتاح مهجتي
و يهفو القلب للمس يَدْها
لكنه درب من دروب الصعبِ
فنيل نجمة من بين أهلها
أهون من المساس بثرى الكعبِ
و لكم وددت لو قطفت زهورها
التي يَنِعت علي الوجناتِ و الثغرِ
و لكم حلمت أن انهل من أنهارها
التي خُلقت في العيون السُمرِ
يا ويح قلبي من غرامكِ الذي
حَكم عليه بالقتل العَمدِ
فان لم تَقتُلني سيوف حُراسكِ
لن افلت من سهام عيونكِ أنتِ
فانظري إلي من هواكِ راجياً
أن تعطفين عليه و لو بالنظرِ
و لترحمي قلبي الذي نذرته
علي مذبح شهداء قلبك أنتِ
و لترأفي بحال مُحبٍ مُنْية قلبه
إن مات يموت بين يديكِ أنتِ
بقلم/ هـــاجر العشـــري

السبت، 27 سبتمبر، 2008

مـــن يســـأل الرحـــــيل !!!؟


أدركت حين تلاقينا الفراق
و إن كلماتك المتلعثمة
تخفي بين طياتها الجفاء
و إن نظراتك الخاوية
لا تحوي إلا العداء
أدركت حين نزفت دموعي
و لم يبدى عليك حراك
انك رافض البقاء
فلا تتشدق بكلمات
عن الحب و الوفاء
و لا تتلاعب بألفاظِ
تثبت بها تضحياتك و الولاء
و لا تلقي باللوم علي كاهلي
و تقول لي أخطاءك النكراء
لا تداري حماقاتك باتهاماتِ شنعاء
و ادخر كلماتك هذه
فلا تشعرني إلا بالازدراء
أتتخذ من لقائنا مسرحاً
لتُجسد فيه دور الشهداء
لكن أدائك لم ينل الإعجاب
فلن تسمع أنات قلبي
تصفيقا لأدائك الخلاب
و لن تجدني جاثية علي الأعتاب
أسالك الرجوع للأحباب
أو أن تجدني جريحة
كفرخ طير غدر به الحَجّاب
مُدرجه في أحزاني
و كأن الحياة دونك سراب
لا اليوم أنا من يسألك الرحيل
فما عُدت احتمل زيف الأقاويل
فلا ندم و لا بكاء ولا عويل
لن تجد سوى ابتساماتٍ منتصرة
عَرفت من هو البخس و من الأصيل


بقــلم / هــاجر العشـــري

الأحد، 21 سبتمبر، 2008

ضحــــكات النحيــــــــب



يا ثغر ما بال ضحكاتك اليوم تندثرُ

أما عادت تغريك الضحكات و السمرُ

ألاحظ أنك بالأحزان تأتنسُ

و قد صرتُ بالحياةِ لست تكترثُ

فأجاب الثغرُ في شيء من الضجرِ

ألا ترى ما في الأوصال من مرضِ

و كيف لي أن تتعالى ضحكاتي

و أنا أراك يا رفيق الدرب تحتضرُ

و الألم في أنحاء الجسد يعتصرُ

فكيف للضحك علي أبوابي ينتشرُ

فقلت يا ثغر ألا ترأف بحالي

إن كنت ترأف فهون على ألام الليالي

هون على سكرات موتي و انكساري

فتعالت ضحكات النحيب تأن من أوصالي

فقال الثغر و دموع العين تنحدرُ

الم اقل لك لا اقوي إلا علي العبسِ

فعذرني إن كنت للأحزان أأتثرُ
لم يعد للضحك علي الأسارير من سُبلِ


بقلم / هــاجر العشـــري

الأحد، 7 سبتمبر، 2008

رحـــايـــة

بدايتا بشكر كل اللي شاركوني أزمتي الفترة اللي فاتت و بشكر فرد فرد ساب تعليق يشاركني فيه حزني في بوست وجع قلب و خيانة
و بجد سعيدة جدا بإحساسكم ده
و ما كدبش عليكم أنا امبارح كنت في أسوء حالاتي النفسية و النهاردة الصبح لحد ما كتبت القصيدة دي
حاسيت بعديها أني ارتحت و يا رب تفضل الراحة دي

و بالنسبة للسرقة انا باخد اجراءات رسمية و قانونية دلوقتي عشان اثبت بيها حقي و ربنا يسهل
بشكر مرة تانية كل شخص علق ع البوست اللي فات و اسيبكم مع الرحاية


رحاية يا دنيا

و اللي جواكي هالك

عمرك ما بتحني علي الخلايق

طبعك كدة و لا شيء معاكي فارق

و أية يهمك واحد زى مضايق

مخنوق بهمه و نفسه للحياة يفارق

ما هو كل يوم مالمر و الضنى دايق

و الهم في القلب و في الأوصال قوي و حارق

طبعا ولا يهمك و أنتي صحيح مالك

ما أنا لا بن عمك ولا كنت يوم خالك

أنا يا دوبك عبد من عباد ربك

كان فاكر ها توديه لكن لاقي صَدِك

و الظلم و القسوة كان هو ده ردك

أوعي بعمايلك تظني أني هابوس يدك

و اركع و أقول الرحمة أنا في عرضك

لا ده أنتي حلمك كدة فاق السما عندك

أنا ليا رب كريم بسهولة أروح عنده

افرد ايديا للسما اطلب ها دوق سعده

ده ربنا اكبر مالوجود كله

عايشين يا دنيا تحت رحمته و ضِله

يا رب ارحم عبدك و ارفع شدته و ذله

و إن كان ده ابتلاء أنا راضي به كله

و الحمد و الشكر لرحمته و فضله


بقلم / هاجر العشــري

الاثنين، 18 أغسطس، 2008

الـــرقصـــة الأخيـــــــرة



في ليلة يسودها الصمت الحزين

جلست و الحزن يعتلي الجبين

و الحسرة تعتصر الفؤاد يَدوي أنين

ضمت إلي صدرها أوراق طويت من سنين

كانت قد أخرجتها منذ حين

من صندوق ذكرياتها الدفين

و تصارعت نبضات القلب تشكو الحنين

تهفو لفتح الكنز الثمين

و تصارعت الأنفاس للحدث العظيم

ففتحت بأناملها خطابا قديم

كان من حبيب توارى الآن في الرديم

خُطت كلماته بالأسود الفَحيم

سطرت عليه قصائد لهيبها جحيم

فاندلعت الأشواق في قلبها الظَليم

كاندلاع النار في حطام الهشيم

و أضاء لهيبها الليل العتيم

و تراء لعينيها حبيبها الوحيد

يدنوا إليها و زهرة بالأيد

يهديها أيها بقلب سعيد

و كانت الزهرة ذات لون فريد

احمر قاني كلون قلب شهيد

تنشر شذاها في كل صوب بعيد

أُهديكِ يا عمري زهور العيد

عيد حب مر و أنا بالقبر وحيد

فهل لي برقصة أخيرة

تطفئ بها نار قلب شريد

يا حب العمر ليس هذا خيار

قد صار القلب من بعدك في انهيار

تهفو يدي لضمك باختصار

فارقص معي علك تداوي الانكسار

عَلْي أجد بين يديك الانتصار

فالروح و القلب بعدك في احتضار

فارقص معي في الليل و الأسحار

و انشد لنا أعذب الأشعار

فتبسم لها بثغره الفتان

و ضمها فشعرت بالأمان

و لمعت عينيها بنظرة امتنان

لكنه غاب كالدخان

فأعلنت روحها العصيان

علي الزمن و علي الأيام

فتضرعت للخالق الرحمن

يا إلهي يا خالق الأكوان

مات حبيب العمر فغابت الأوطان

ولا ترضى لي بالغربة و الحرمان

فارحمني يا حنان يا منان

و جُد علي بعطفك و الإحسان

و انقلني لدار الحق

و اجعل لي بقرب الحبيب مكان

بقلم / هاجر العشري

السبت، 2 أغسطس، 2008

ســــــــت الحســــــــــــــــــــــن



جوز و لوز
و كيلو موز
ندر رموز
لو جالها جوز

* * * *

ها تموت و تاخد فارس هُمام
يكون بعمة و داقق حمام
غني و مجدع و عنده علام
و أخلاقة تبقي صح و تمام

* * * *

لكن يا حسرة ها تجيب منين
و القطر فاتها يجي من سنين
و اللي زيها متجوزين
و الناس شامتة و مش ساكتين

* * * *

أمها قالت دي كدة ملبوسة
دي حاجة واضحة أهي و محسوسة
و أنا مُنى قلبي أشوفها عروسة
يا ختي اسم الله من العين محروسة

* * * *

أبوها قال شدوا الرحال
و علي مصر نروح في الحال
نشوف شيخ يفك أعمال
و ها تبقي فُل و عال العال

* * * *

قُصر الكلام خدوا بعض و سافروا
و في الزحام اهو مشيوا و عافروا
و في الميدان وقفوا و اتحشروا
و ع المقام في الدعاء أتفتحوا

* * * *

مدد يا ست الكل يا زينب
علي مقامك فرشت عنب
و جوز و لوز مليت العلب
لجل ما اطلب منك طلب

* * * *

نفسي أتجوز و استر حالي
و أعيش بقي و اربي عيالي
قعدتي دي فوق احتمالي
أمتي يا رب ترأف بحالي

* * * *

يا أهل الخير ما تعرفوا شيخ
يكون بركة و له تاريخ
و يعرف جن من المريخ
يفك عمل ملضوم في سيخ

* * * *

نط قوام الشيخ بهلول
ايوة يا عمدة طلبك قول
فك السحر أنا فيه مسئول
لكن فكه ده له أصول

* * * *

عايز خروف يكون سمين
و بطة بلدي و ديك حزين
و نملة عانس و شجرة تين
و شقة بحري و يا ريت دورين

* * * *

أمرك مجاب و من سُكات
ده مالفلوس عندي ألوفات
و ارض ملك في الواحات
ها يروحوا لبنتي بعد الممات

* * * *

يا دي الهنا الحظ ندا لي
و في العز ها تصحي أمالي
ها تجوزها و ارضي بحالي
و في النعيم ها عيش ليالي

* * * *

خلاص يا حج العمل أتفك
و كل باب للسحر أتسك
و لو في قلبك ذرة شك
يبقي في شرفي حَكيت حك

* * * *

و اسمح يا عمدة اطلب أيد
ست الحسن و ابقي سعيد
ها بقي العبد و هي السيد
ده أنا من غيرها ها كون شريد

* * * *

يا فرحة قلبي اليوم ده عيد
جالك يا بنتي عريس وحيد
حظك يا بت بومب و شديد
و ها رضي بيه و لو ع الحديد

* * * *

هُب و فجأة طب البوليس
اتاري الشيخ راجل خسيس
نصاب و سكري قريب إبليس
و فيش سوابقه مكربس كرابيس

* * * *

نافوخنا أفشت فيه ترابيس
ما عادش ليكي يا بنتي ونيس
كان يوم زفافك يوم الخميس
لكن خلاص طار العريس
بقلم / هاجر العشري

الأحد، 27 يوليو، 2008

الاهلي فوق الجميع



اعذائي المشاهدين
اللي قاعدين و واقفين
و للماتش مستنين
في مدرجات الفريقين

* * * *

معاكوا مذيعكوا عدالة
ع الماتش ها قول قوالة
و ها خلي الجمهور في حالة
من الذعر و الاشتغالة

* * * *

فاضل ع الماتش خمسة
ده مدرب بيحط لمسة
و التاني بيهمس همسة
خايف لا يشيلوا خمسة

* * * *

كابتن هولمان ع الدكة
بيحط خطة سَكة
لجل ما يدكوا الدكة
من الأهلي في كل سِكة

* * * *

ها نجيب جوزية علي بوزوه
و اجوجو أكيد ها نعوزه
ادعكله يخرج من كوزه
و أنا مالي أيدي من فوزه

* * * *

بركوتة لازم تكسيره
و فلافيو تهدوا في حيله
و جمعة نكسر منخيره
و اينو واجب تأخيره

* * * *

علم و جاري التنفيذ
كابتنا ده شكله لذيذ
و ها يفقع كدة و يغيظ
ها يشوفوا الحمر التلاميذ

* * * *

و جوزية بيحط الخطة
و ناوي لهم نية شطة
ما هو عمره ما كان بروطة
و ها يجيب لعدوه زغطة

* * * *

و ثواني و بدء الماتش
و بدأها العبدي بلطش
و فلافيو حصل له كلابش
و ع الأرض و نزل فرش

* * * *

و شوية و لاطش تاني
كارت احمر بان في ثواني
هاج الجمهور من تاني
يا حكمنا آه يا حقاني

* * * *

رقص و زود شطة
ده اينو حط الحطة
جاب لعدوه الجلطة
و جونه كانت ولعة شطة

* * * *

و شوية و خلص الماتش
كالعادة افشنا افش
الكأس لأحسن ماتش
يا أهلي يا صاحب العرش

* * * *

و التاني يا عيني عليه
كالعادة خيبتها عليه
الله يرحم والديه
طول عمره ها يموت عليه

* * * *

يا زمالك يا كتكوت
فريقكم أصبح هالفوت
و مالخسارة ده ها يموت
يا عيني عليك مكبوت
* * * *
و الاهلي فوق الجميع
بقلم / هاجر العشري

الأربعاء، 16 يوليو، 2008

جالا جالا جالا



جالا جالا جالا

قالك أية قالك آه

قالك يا بن ادم ها نوريك العجب

زمن العجايب و قلة الأدب

زمن الأصول فيه ولا و ذهب

و الحق فيه خلاص احتجب

و الخير فيه يا سيدنا أتنهب

و الشرف فيه راح و أتسلب

و إذا عرف السبب بطل العجب

* * * *

لما الضمير في قلب الجدع يترشى

و لما الحلال في لقمه عيشه يتنسى

و لما الحريم ببيع الهوا تتكسي

و لما شرفها تلبسه توب شفتشي

و لما الحق أصبح حجمه ترمسي

و لما الطموح يصبح ظهوره مشمشي

و لما الشباب يوماتي الخمر يحتسي

و لما الشيطان من افعلنا يختشي

و لما ذنوبنا في قلب كتابنا تتحشي

* * * *

جالا جالا جالا

قالك أية قالك آه

قالك يا بن ادم ها نوريك العجب

الزمن بريء و أنت السبب

فوق يا أخينا و انسي الدهب

انسي المجون و انسي الصخب

انسي المراكز و الخطب

فكر في حالنا و السبب

وقت الفوقان خلاص وجب
بقلم / هاجر العشري

الأحد، 13 يوليو، 2008

سَكـَـــرَات وطــــــن


عنوان الشقا ع الجبين مرسوم

و عيون بتبكي و ع الزمن بتلوم

و بطون من الجوع تصرخ تقول محروم

و الوجع دابب في قلب كله هموم

و المر واصل مالقلب للبلعوم

و أسراب من العذاب فوق في السما بتحوم

و صوت قنابل في الودان بتذوم

و وليد في حضن أمه مصيره محتوم

و شعر الجنين شاب قبل ما يقوم مالنوم

و دموع أم ولادها بيموتوا كل يوم

و أب بيودع صبيه صغير مرحوم

و نار و شرار في قلب كل القوم

ع اللي بناره حرقنا في يوم مشئوم

يا رب النصر من عندك في يوم معلوم

بوحدة صف نتجمع سوا و نقوم

و ننصر كلمة الحق و نرفع راسنا للنجوم
و نهزم بأيد واحدة عدو الشوم
بقلم / هاجر العشري

السبت، 5 يوليو، 2008

علي كل لون يا بتسطـــــا



على كل لون يا بتسطا

صحبتنا ظبطاها ألِسطا

و في الفتاكة دي أسطا

و كله بقي في الالشطة

* * * *

واخدة في الشغل راحتها

فاكرة خلاص البيت بيتها

و الكون بقي مملكتها

ولا حد في الدنيا شريكها

* * * *

واكلة خلاص الخير كله

و الفُم ماليان علي سِنه

و الكل مخروس اكمنه

مرتبه ها يروح منه

* * * *

واخدة الإدارة بوضع اليد

و ظلمها اهو فاق الحد

و شرها خلاص احتد

ولا عمرها تفكر في حد

* * * *

فالحة بس تهين في الناس

و في الشر وسواس خناس

ولا بتحس هموم الناس

أمتي يا رب تذل في ناس

* * * *

و في الأذية دي تدي دروس

و ع الغلابة دايما تدوس

تاجها و راسها هو الفلوس

ولا هما أبو مين مفروس

* * * *

و ع الورق تلعب لعبتها

و اختلاس و فلوس عَبتها

و بالحرام لفت رقبتها

قادر يا رب تخرب بيتها

* * * *

ركبت خلاص و هزت رجليها

و بالدهب ملت أيديها

و ريش نعام ميل عليها

و في الوحل غرقانه رجليها

* * * *

هو موشح دايره تقوله

قال الله و قال رسوله

ولا بستان م الجنة تطوله

طول ما دينها ما تعرف أصوله

بقلم / هاجر العشري

الأحد، 29 يونيو، 2008

تصدقـــوا جالــي تاج



لأول مرة ها خرج برة نطاق الشعر و القافية في هذه المدونة و أقول كلام مش منظوم بس ها يكون طالع من القلب زيه زى الشعر و يا رب ما كونش تقيلة عليكم في البوست ده

بما أن هذا التاج وصلني من السيد الأستاذ الدكتور المحترم جدا فارس بلا جواد فأحب أن اشكره شكر خاص لأنه أول من عبرني بهذا التاج

و أيضا بما أن السيد الأستاذ الدكتور المذكور أعلاه هو قدوتي في هذا التاج فإقتداء به أنا حطيت صورتي و أنا صغيرة بما انه حط صورته و هو كبير

بسم الله نفتتح الجلسة

س .اذكر أحلاما تخص ماضيك كنت ها تتخلى عن أية فيها و ها تتمسك بأية لحد دلوقت ؟؟؟؟

ج .

* كنت بحلم و أنا صغيرة أن لما اكبر اشتري ارض كبيرة ازرعها زراعات تفيد مصر و مش مرشوشة عشان صحتنا تكون أفضل و جنب الأرض مدينة سكنية يكون اللي ساكنين فيها ناس طيبة قلبها ابيض بيحبوا مصر و بيحبوا بعضهم يزرعوا الأرض دي بحب , و كنت عايزة مادخلش جنس عربية ولا أتوبيس في المدينة كنت ها عمل المواصلات بالحنطور عشان أحافظ علي التوازن البيئي و ما ألوث البيئة و كمان عشان كل الناس تتحنتر براحتها .

و لما كبرت شوية اكتشفت أن الباشمهندز أفلاطون فكر في الفكرة دي قبلي و سماها المدينة الفاضلة.

و لما كبرت شوية كمان اكتشفت برده أن الحلم ده لا يمكن تحقيقه في الزمن الأغبر اللي أحنا فيه .


* من صغري و أنا كان نفسي اطلع مهندسة ديكور كنت اقعد افن في شقتنا و شقة اقرايبنا خاصة أنهم بيستشيروني في الموضوعات دي علي طول , لكن ماحصلش نصيب و درست آثار.
و بعد ما انتهيت من الدراسة رجع الحلم تاني أني ادرس ديكور و بشوف دراسات حرة في الموضوع ده و اللي يعرف بجد حاجة بخصوص الموضوع ده يا ريت يقول لي .


* بحلم انزل كتاباتي في كتاب سواء بقي شعر أو قصة , و بتمني أن لوحاتي الفنية تتعرف و تبقي مشهورة.


* من صغري و أنا باحويش فلوس عشان ابني بيها جامع يكون صدقة جارية أو مدفن يكون لنفس الهدف , لكن لسة الجرشينات علي قدها فا ربنا يقدرني و اقدر ابنيهم.


* كان نفسي أعيش في زمن تاني زمن الناس فيه طيبة مش خبيثة ولا شريرة زى دلوقت , كان نفسي الناس تحب بعض و تخاف علي بعض .


* كان في حلم مجنون أو اقدر أقول عليه رغبة نفسي اعملها من زمان و أني اقفز قفزة ثقة من فوق برج أو كوبري أو حتى بباراشوت من طيارة.


أكيد في أحلام تانية صغنونة بس أنا مش فاكرة غير دول دلوقتي.


س . اذكر أحلام تخص مستقبلك ؟؟؟؟
ج.

* ادخل أنا و أهلي و امة المسلمين أجمعين الجنة برحمة من ربنا و مغفرة من عنده . ده بالنسبة للحياة الاخري أما الحياة اللي أحنا عايشين فيها:-


* أتمني ربنا يرزقني بزوج صالح يحبني و يحترمني و يكون أب فاضل لأولادي.

* أتمني أن ربنا يرزقني بذرية صالحة يفيدوا مجتمعهم و يدعو لي لما أموت .


* بتمني ألف العالم كله و خاصة ايطاليا و روما لأنهم كانوا دراستي و علاوة علي ذلك فانا بحبهم أوي لأني بحب أي حاجة فيها تاريخ و أصالة و تراث.

* بتمني اكفل طفل يتيم و إن شاء الله ربنا يقدرني و اقدر.


* نفسي أول ما أتجوز اطلع أنا و جوزي عمرة نمسح بيها كل ذنوبنا و نبتدي بيها صفحة جديدة في حياتنا.


* نفسي ربنا ينصر المسلمين علي أولاد اللذينا اللي قرفنا و مطلعين عنينا و يوحد صفوفنا و يقوينا عليهم.


س. اذكر شخصين متواجدين في حياتك كنت تتمني وجودهم من قبل ؟؟؟؟

ج. طبعا صحابي اللي طلعت بيهم من الدنيا آية و شرين كنت أتمني وجودهم معايا من و أنا في المدرسة بس بجد رغم إني اعرفهم يجي من خمس سنين إلا إن معزتهم في قلبي زى معزة أهلي بالضبط , حبيبي وماستحملش عليهم الهوا .


س . اذكر شخصين غير متواجدين في حياتك و تتمني وجودهم مستقبلا في حياتك و حياة اولادك ؟؟؟؟

ج. طبعا وبلا شك و أحب أن انوه و أصر و أأكد علي النقطة دي شخص غير موجود أكيد جوزي و أتمني طبعا وجوده في مستقبلي و ربنا يبعت واحد يا رب عشان خلاص الواحد خلل في بيت أبوه.
و أتمناه برده لعيالي هو حد يكره.



يا رب ما كونش طولت بجد تاج جميل و بشكر لتاني مرة دكتور فارس لأنه أداني فرصة اكتب حاجات عمرها ما خرجت برة نافوخي و ما حدش يعرفها

و بهدي التاج لكريم عشان شكله مكتئب من الامتحانات
و للفارس الملثم
و لقلب مصري
و كل اللي يزورني و يحب يجاوب علي التاج

الخميس، 26 يونيو، 2008

قــــلبك عنــوانــي




أجئت في الليل زائراَ أم ساكناَ جدران قلبي


إن كنــت ســـاكناَ فهـــل أتـــيــت بالمــؤنِ


هــل لي برمشـك أتلحف به في برد الليالي


هــل لي بكتــفك أتوسده بحب و قلب حَاني


هــل لــي بكـفــك تمـســـح عنــي أحزانــي


هــل لــي بــدمــعك يغـســـل عنــي ألامــي


هــل لي بشـفتك تشدو لي أعذاب الأغاني


إن كــنت ساكــناً فهــل لـي بقلبك عنواني
بقلم / هاجر العشري

السبت، 21 يونيو، 2008

صـــرخة زمـــن




بلمسة سحرية في قلب التروس

عقارب الساعة دارت علي الرؤوس

أتبدل الزمن و أتغيرت نفوس

نفوس كانت زمان مرفوعة الرؤوس

كانت زمان نبراس تضوي كما الفانوس

كان كل شيء في مكانة متأني و مدروس

* * * *

رجعت التروس و دارت تشوف هنا النفوس

لقت نفوس جريحة منكسة الرؤوس

و نفوس علي الغلابة منفوشة كما الطاووس

و نفوس على الأذية واخده فيها دروس

و نفوس بتقول ضحية لعبت بينا النفوس

و نفوس بايعة القضية متلهفة ع الفلوس

* * * *

وقف الزمن في مكانه و تحجر من الخوف

هل في الحياة بقية طول ما فيها خسوف

خسوف في نفوس بغية متسلسلة بالظروف

عايشه بس منسية عايشه جوه كهوف

كهوف كانت زمان مهجورة من ألوف

لسه نفوسنا الرضية عايشه فيها تطوف

* * * *

لا يا زمن اهرب ... اهرب و يا الحروف

حروف التاريخ رفضت ترصد مصير معروف

مصير خلي الزمن و يا التاريخ مكسوف

طول ما النفوس بتقول الزمن زرع فينا الخوف

عمر التاريخ ما ها يغفر ولا يوم تبان له حروف

صرخ الزمن يرفض مصير منسوف
بقلم / هاجر العشري

الأربعاء، 18 يونيو، 2008

أحـــلام صبــيـة





فكت شرايط الضفاير


لعبت النسمة بشعرها الطاير


طاير في الحلم و المصاير


* * * *


سابت خلاص كراريسها و أقلامها


حلمت خلاص بالكوشة و فستانها


و عريسها يجي في وسط الزفة يحضنها


* * * *


عرف طريق الكحل لعيونها


عرف طريق السهد أجفانها


عرف الحب يحلي أيامها


* * * *


أتلونت الشفايف بالأحمر البديع


و تبسمت لحبيبها و اعترفت للجميع


أن الحياة بدونه حياه بلا ربيع


* * * *


حطت خلاص الأحمر ع الخدود


حطت الطرحة و مسكت الورود


و برفعة الطرحة أحلام ما لهاش حدود


* * * *


اكتملت المعاني و أتحقق الأمل


أتحقق حلم غالي ما توصفه جُمَل


حلم صبية بتحبي في طريق نوره الأمل
بقلم / هاجر العشري

الاثنين، 16 يونيو، 2008

أخر لخبطة




شخبطة لخبطة

الدنيا أخر شحطتة

فيها خطوط متشخبطة

و خطوط واقفة متظبطة

و خطوط سارحة و مستعبطة

و خطوط في الجو مشعبطة

* * * *

و خطوط طالعة نازلة علي السطور

و خطوط ترسم لك بحور

و حروفها دايرة في طبق بنور

فيها الكلام زى الصقور

و فيها حملان واقفة طابور

و فيها تعالب دايرة تدور

* * * *

حلقة لكن متخططة

فيها اللي فرحان زئتطة

و فيها اللي شقيان مرمطة

و فيها اللي عايشها هامبكة

شخبطة لخبطة

الدنيا أخر شحطتة
بقلم / هاجر العشري

الجمعة، 13 يونيو، 2008

رقصــــات تحـــت المطــــــــر




في برد الليل في عز الوحدة و العزلة في ليل طويـل


في بـرد الليل و دق الساعة بتقرب لأخــر اللــيــل


و أنــــا بالـــشــــرفة بـــتــونس نجــــوم الليـــــــل


و نقطـــة مطــــر باســــت خدي تـــدفي الليــــــل


و صــوت قالي تـــيجي نجري في مطـر الليــــل


و فجاء لقيتني في الجنة و توب الفرح بقي تــوبي


و أيد حضنت أنا كفي و بصت جوه في عيــوني


و نغمة حب بتقرب و داعبت أذني و سكــونــي


علي سحابة سوي رقصنا و مطر الحب يتهادى


و نتـــسابق علي نجــمة بتضوى جنب قمــرية


لمست النجمة أنا قبله بفرحه بقلـــبي و عيونـــي


بكفه حضن أنا خصري و شفت الدنيا في عيونه


و طبع الحب علي خدي وغبت في حضنه و حنانه


و مال البـــدر بدلاله يصحــي الشـــمس بجمالـــــه


فمـــدت يدهـــا تتثاءب فجــف المـــطر و تبخــر


و غاب أمـــــير أحلامــــي مع البدر في زمن تاني
بقلم / هاجر العشري

الأربعاء، 4 يونيو، 2008

اخــتيـــــــــاري




خلصت خلاص و بختياري

أخـــر كـــلام و ده قـــراري

هابعد و أنا بداري انكساري

آيوة اتجرحت لكن ها داري

آيوة أتهــدم حبــي و داري

آيوة أتقلــــب ليلي نهــاري

لكـــن أنا راضــية بحالـــي

و بقلبي ها غني احلي موالي

طبعا ده يوم فيه انتصـــاري

يـــوم ما أشوف قلبك يلالي

و دمع عينك علي الخد جاري

و تيجي تقول بعدك دماري

لكن خلاص راحت ليالي

صبرت فيها و الصبر غالي

أنا ها نسحب ذوق احتمالي

اللي خلص و ياك يا غالي

خلصت خلاص و بختياري

إهداء
إلي المتمردة
التي رفضت أن تكون تابعة
بقلم / هاجر العشري

الأحد، 1 يونيو، 2008

كــــان فــي يـــوم حــبيــبي



أعرفك بحبيبي

قصدي اللي كان في يوم حبيبي

أعرفك باللي قال ها يكون نصيبي

أعرفك باللي ياما قال بَحبكِ

أعرفك باللي قال في حضن قلبكِ

كل الحياة ماتهمنيش

ماتسويش مدام في قربكِ

أعرفك

كل الأمان كان حلمي ألاقيه بين أيديه

كل الحنان كان بيلاقيه بحبي ليه

كان حلم أفضل طول حياتي بس ليه

كان حلم عندي أعيش و أموت قدام عينيه

ولا كنت أفكر أن يوم ها يخون و يغدر

و لا كنت أفكر أن يوم علي البعد يقدر

وأن الحياة هاتمرو هاموت مش بين أيديه

أعرفك

إهداء
إلي من أخلصت في حبها فغدر بها
إلي من أحبت من كل قلبها فَكٌسر قلبها
إلي أية الحب و الوفاء
إلي صديقتي الغالية ......

بقلم / هاجر العشري

الأربعاء، 28 مايو، 2008

23



طَفيت شموع العيد

و القلب ما هو سعيد

ما في الحياة تجديد

و القلب كله شجون

عَدت سنة كمان

مغمورة بالاحزان

عمري بلا عنوان

مدفون بقاله زمان

بين الآه و الحرمان

و الجرح و الكتمان

يمكن شموع العيد

جاية بحلم جديد

جاية بنهار سعيد

في بداية عام جديد
بقلم / هاجر العشري

الثلاثاء، 27 مايو، 2008

كـــــانـــــت هنــــــــا




كـــــانـــت هنــــا ضحكة جميلة حنينة
كــــانـــت هنــــا أيام جميــلة متــبسمة
كــــانـــت بـــتحلم تكبر تملى الدنيا خير
كــــانـــت بـــتحلم تبقى حرة زى الطيـــر
كانت بتحلم بفرحة و طرحة و عش صَغير
كــــانـــت بـــتحلم بحــب دافي كـــله جنون
كــــانـــت بـــتحلم بشــمس تدفي كل الكون
كــــــانـــــت هنــــــــا كـــــانـــــت بـــتـحلم
بقلم / هاجر العشري

السبت، 24 مايو، 2008

كــــــــأس المــــــر



يا ســاقـي المر الـم تـكـتفي

كـفـــانـي سـهـدا و أحــزانَ

كـلـمـا أفـرغـت كـأسـاً تمـلئه

بحـنـضلِ مـُر و شـوكُ دامي

الم تـكـتفي بدمـعي و أحزاني

الـم تكـتفي بسهري و أشجاني

أم تشــتـهي ذلـي و حرمــاني

و تـرتـوي مـن دمــي القانــي

و تـسـتـبيح فرحـي و أحلامي

يـــا كـــأس الـمـــر اعـذرنــي

لم يعد لك فـي دنـيـتـي مكــاناً
بقلم / هاجر العشري

الأحد، 18 مايو، 2008

القطــــر مـــــاشي



القطر ماشي في طريقه علي محطاته بيقف

لا يــوم بــيتـــأخر ولا في يــوم بيقـــف

إلا في نهاية السكة لما الشريط بيقف

يومـــــها تقوم النـــاس و تقـــــف

و تودع القطر اللي كان بيجي و يقف
بقلم / هاجر العشري

السبت، 10 مايو، 2008

أحــــــلام


قالوا اكتب حب و فرح و أحلام

قلت والله ما بأيدي ده جوه القلب أحزان

لا دمعة قدرت تغسلها

و لا نشف يوم منديلها

الضحكة تخرج مقتولة

شايخة جريحة مشلولة

ده ثــغر ضاحــك متألم

و عيـــوني هي بـتتكلــم

علي الزمن اللي ما تبسم

و حرمني حتى من الأحلام
بقلم / هاجر العشري

الأربعاء، 7 مايو، 2008

ملـــــــيت



مليـــــت الدنيــــا و ملتني

لا في يوم حبتها و حبتني

ولا يــــوم فكـر حد يغيتني

كلــه في ساقيتــه بيــــدور

و السمـــا ماليــانـــة نسور

و أنا طير ضعيف مكســـور

لا اقـــدر علــي جر الساقية

و لا طيــــــر بين النســــــور
بقلم / هاجر العشري