تنبيه

تــنـبـيـه ... كــل ما يـنـشر بهـذه المـدونـة مـسـجـل من قـبـل حـقـوق الـمـلكـية الفـكـريـة و أي اقـتـبـاس او نـقـل لمحتـوى المدونـة يعرضــك للمسـائلـة القـانـونـيـة

الأحد، 1 يونيو 2008

كــــان فــي يـــوم حــبيــبي



أعرفك بحبيبي

قصدي اللي كان في يوم حبيبي

أعرفك باللي قال ها يكون نصيبي

أعرفك باللي ياما قال بَحبكِ

أعرفك باللي قال في حضن قلبكِ

كل الحياة ماتهمنيش

ماتسويش مدام في قربكِ

أعرفك

كل الأمان كان حلمي ألاقيه بين أيديه

كل الحنان كان بيلاقيه بحبي ليه

كان حلم أفضل طول حياتي بس ليه

كان حلم عندي أعيش و أموت قدام عينيه

ولا كنت أفكر أن يوم ها يخون و يغدر

و لا كنت أفكر أن يوم علي البعد يقدر

وأن الحياة هاتمرو هاموت مش بين أيديه

أعرفك

إهداء
إلي من أخلصت في حبها فغدر بها
إلي من أحبت من كل قلبها فَكٌسر قلبها
إلي أية الحب و الوفاء
إلي صديقتي الغالية ......

بقلم / هاجر العشري

هناك 12 تعليقًا:

محمد فاروق الشاذلى يقول...

لحظة إكتشاف الحقائق هى أروع لحظات العمر حتى ولو كانت لحظة مؤلمة، فأن تكتشف الحقيقة متأخراً أفضل من أن تعيش طول العمر مخدوعاً، وهى لحظة تستحق دموع الفرح وليست دموع الحزن

الفارس الملثم يقول...

اذا كنا نلوم من خدعنا لانه تنكر بوعود الحب التي كان , فاننا لانعفي انفسنا من التوبيخ لانني سمحنا لانفسنا بان نخدع , قصدق المشاعر في هذه الايام ينظر له علي انه نوع السذاجه

حقيقي كلمات جميله واحساسها عالي اوي

بس مين صديقتك دي ؟؟؟؟؟؟؟؟؟؟

Razi Soliman يقول...

الاسبوع اللى فات دا كان من اصعب الايام اللى عشتها فى السنه دى لانى اتخدعت فى اتنين كانوا من اعز واوفى اصدقائى انا مغلطش فى اى حد فيهم بالعكس خالص بس بعد دا كله مش بلوم على حد فيهم زى مابلوم على نفسى لان الانسان لما بيتخدع او حد يكذب عليه بيبقى العيب فيه هو لانه ماقدرش يعرف غدرهم من البدايه ولانه سمح لنفسه انه ينضحك عليه
المشكله كلها بيقى سوء اختيار مننا وصدقينى ربنا بيجيب للانسان اكتر من دليل على ان الانسان دا كويس او وحش قبل اى حاجة ماتحصل بس للاسف بتعامل ديما بعوطفنا ومش بنفكر ولا حتى لحظه واحدة بعقلنا ودى من اهم الاسباب اللى بتخلينا نتغش فى الناس

لما بنتخدع العيب بيبقى فينا
وقشة ممكن تغرق سفينه
بس لازم نعمل اللى علينا
ومانفكرش بقلبنا ونخلى الامور فى ايدينا


الى اقرب لقاء
رازى

خواطر رئيس شاب يقول...

هى الدنيا كدة

الغدر اهم صفاتها

واللى يامن لها يستاهل

شهد الكلمات يقول...

قلب مصري

بص هي لحظة مهمة لكن مش رائعة بل بالعكس دي مؤلمة جدالانك بتكتشف ان كل الوقت اللي عدا ده كنت مخدوع و مسلم لاكاذيب الحب

شهد الكلمات يقول...

محمد

واحدة صحبتي ماتعرفهاش و هي طلبت مني اني ماحطش اسمها في الاهداء و بناء علي ذلك ماحتطهوش


انت لو عارف ان اللي انت حاسس بيه ده خداع ماكنتش فكرت ابدا نك تخوض التجربة دي لكن الخدعة انك صدقت المشاعر و الوعود و الضحكة الكذابة

ربنا يصبر قلب صحبتي دي لانهامن اعز و اقرب و اخلص اصحابي و قلبي موجوع عليها


و شكرا علي كلامك الحلو عن الاحساس العالي

شهد الكلمات يقول...

رازي

اصعب حاجة انك تكتشف ان اقرب الناس ليك و اللي هما بيجوا بعد اهلك في الاهمية و يمكن يكونوا في غلاوة اهلك يخدعوك و انك عايش طول الفترة دي في غيبوبة من الكذب و الخداع و النفاق و الاستغلال

انا حسيت بخيانة الصداقة دي مرة و مش قادرة اقولك اد اية اتألمت و انهرت كان صعب عليا اني اكتشف ده

ربنا يقويك و يصبرك


و يا رازي مراية الحب عامية و مهما في حقايق بتظهر قدامك و لو جات قدام عينك و خرمتهالك و تقولك بص انت مش بتشوف برده مش هاتشوف دي بتبقي حالة من الغيبوبة الكاملة


حلوة الكلمات الاخيرة اوي و ان شاء الله ربنا يكرمك باصدقاك اوفي و اخلص

شهد الكلمات يقول...

سيدي الرئيس

هي الدنيا اللي كدة ولا الناس اللي كدة و لا الزمن اللي كدة ولا احنا اللي كدة

و حتي لو مائمنتش للدنيا برده مش هاتسلم من شرها

ربنا يصلح من امرنا و امر الدنيا و يريح قلوبنا كلنا يا رب

Unknown يقول...

و لاعمرنا حسبنا الايام و ياما قلى حبك هيدوم... وفجأه سبنى من غير كلام سبنى اقول ده كان حبيبى فى يوم...



تحياتى

شهد الكلمات يقول...

كريم

حلوة الكلمات يا كريم قوي

منورني دايما

تحياتي

رؤية يقول...

كان فى يوم حبيبى...
اظن حتى كلمة حبيبى لا يستحقها،

قولى لصديقتك:
ان قلوبنا جواهر لا يستحقها الا من يقدرها.
ولكى منى وافر التقدير.

غير معرف يقول...

ولا كنت أفكر أن يوم ها يخون و يغدر
و لا كنت أفكر أن يوم علي البعد يقدر

كلمات جميلة وملموسة اوى يا حبيبتى

يويا