تنبيه

تــنـبـيـه ... كــل ما يـنـشر بهـذه المـدونـة مـسـجـل من قـبـل حـقـوق الـمـلكـية الفـكـريـة و أي اقـتـبـاس او نـقـل لمحتـوى المدونـة يعرضــك للمسـائلـة القـانـونـيـة

السبت، 10 مايو 2008

أحــــــلام


قالوا اكتب حب و فرح و أحلام

قلت والله ما بأيدي ده جوه القلب أحزان

لا دمعة قدرت تغسلها

و لا نشف يوم منديلها

الضحكة تخرج مقتولة

شايخة جريحة مشلولة

ده ثــغر ضاحــك متألم

و عيـــوني هي بـتتكلــم

علي الزمن اللي ما تبسم

و حرمني حتى من الأحلام
بقلم / هاجر العشري

هناك 22 تعليقًا:

الفارس الملثم يقول...

جميله كلماتك يا شهد وتمتلئ بالاحساس لكنها تنبض بالالم والمراره , فيبدو انه حالنا جميعا مثل تلك الكلمات الموجعه تمتزج الابتسامه بالمراره في حلوقنا ..

تحياتي
محمد

شهد الكلمات يقول...

لو كان ربنا مديني مالكة في الكتابة احسن من كدة كنت صورت اللي انا حاسة بيه اكتر من اللي مكتوب بكتيييييييييييييير
شكرا لمرورك يا محمد و اتمني اشوك دايما في مدونتي

غير معرف يقول...

حلوة اوى يا شهووود

بس فكى يا سيتى مافيش حاجة مستهلللللللة

كله على الله(يويا)

موناليزا يقول...

لازم نضحك مهما كان الالم وده فى حد ذاته انتصار عليه

شهد الكلمات يقول...

شكرا يا يويا علي مرورك
و انا مسلمة امري لله

شهد الكلمات يقول...

موناليزا
المهم ان الضحكة تطلع من القلب
شكرا علي مرورك الكريم و اتمني زيارتك لي دايما

رئـــــيسـة حزب الأحلام يقول...

فعلا غصب عن الواحد بيكتب الاحزان اللى داخلة وبالذات الخواطر تخرج حزينة لانها تخرج من القلب وتحياتى

شهد الكلمات يقول...

تحياتي لك ياسلوي و شكرا علي مرورك الكريم

Shimaa Gamal يقول...

مش أول مرة أجى أزورك ، بس قلت المرة دى أسيبلك تعليق علشان تعرفى إنى باجى و مش محتاجة عزومة
:)
المهم ماتشيليش هم للدنيا ، الأحزان دى هى اللى بتصقل الروح و بتخلى الإنسان أكثر خبرة و تجربته أكثر عمقاً .
روق يا جميل :)

الربان يقول...

تحياتي

شدني الاسلوب و المعني....لكن كم التشاؤم كبير...

اتمني ان تعيدي النظر الي الحياة مرة اخري وان تنظري الي ما انعم الله به عليك....و أسأل الله لي و لك المزيد من
النعم...و ان يسعد قلبك و قلوب الجميع

تحياتي و تقديري

شهد الكلمات يقول...

شكر ا يا شوشو طيب انا بس اعرف منين عموما نورتيني و البيت بيتك في اي وقت

شهد الكلمات يقول...

الربان
شكرا علي كلامك و دعاك يارب ليا و لك و للمؤمنيين جميعا
و انا مش متشائمة انا بس الفترة اللي فاتت كان قلبي واجعني و كنت زهقانه من الدنيا جدا بس دلوقت الحمد لله احسن

mohamed يقول...

لا طبعا أحملي الحلم أمل

Mohaly يقول...

congratulations on the new blog shad, but why the sad mode, you are always in reasonable mode on my blog, what happened :)

Unknown يقول...

انا اول مره ادخل على مدونتك و بصراحه فرحان جدا انى لقتها
تانى حاجه احب احيكى على موهبتك و عجبنى اوى الجملتين دول:
الضحكة تخرج مقتولة
شايخة جريحة مشلولة


بالتوفيق يا شهد

رحاله يقول...

بسم الله
بجد كلماتك رائعه على الرغم من ان القصيدة صغيورةالا انها تحمل كم هائل من الاحساس والالم .............................................
و عيـــوني هي بـتتكلــم
علي الزمن اللي ما تبسم
و حرمني حتى من الأحلام
خالص تحياتى
جيلان

شهد الكلمات يقول...

محمد

المهم يا محمد ان الحلم يتحقق لكن لما تحلم طول عمرك حلم و مايتحققش بتتصدم صدمة جامدة جدا

شكرا لمرورك و اتمني وجودك دايما في مدونتي
تحياتي

شهد الكلمات يقول...

mohaly

يا هلا يا هلا منورني و منور المدونة
الله يبارك فيك
و بالنسبة للنكد اللي في المدونة فا الواحد لما بيمسك قلم بيكتب اللي هو حاسة و انا كنت في حالة نفسية سيئة جدا في الفترة دي كنت كارهة الدنيا كنت كارهة حتي نفسي
بس دلوقت الحمد لله نفسيا احلي

و يا سيدي و لو عايز فرفشة ادخل علي مدونتي التانية كلها فرفشة ههههههه
http://totatotaa.blogspot.com

تحياتي لك و اتمني اشوفك منور مدونتي دايما

شهد الكلمات يقول...

يعني يا كريم انت كدة هاتخليني اتغر
ربنا يكرمك يا رب و ده من بعض ما عندكم انت مدونتك و اسلوبك جميل جدا
بالتوفيق و شكرا علي مرورك و اتمني اشوفك دايما في مدونتي

شهد الكلمات يقول...

اهلا بيكي يا جيلان
يعني مش عارفة اقولك اية ربنا يكرمك يا رب و شكرا علي كلامك الرقيق و منوراني دايما

رامى اشرف يقول...

كلماتك حلوة والصور الى فى المدونه اجمل
تحيااتى

شهد الكلمات يقول...

شكرا يا رامي علي كلامك الرقيق و اتمني مرورك الكريم دايما

تحياتي