قالوا اكتب حب و فرح و أحلام
قلت والله ما بأيدي ده جوه القلب أحزان
لا دمعة قدرت تغسلها
و لا نشف يوم منديلها
الضحكة تخرج مقتولة
شايخة جريحة مشلولة
ده ثــغر ضاحــك متألم
و عيـــوني هي بـتتكلــم
علي الزمن اللي ما تبسم
و حرمني حتى من الأحلام
بقلم / هاجر العشري
هناك 22 تعليقًا:
جميله كلماتك يا شهد وتمتلئ بالاحساس لكنها تنبض بالالم والمراره , فيبدو انه حالنا جميعا مثل تلك الكلمات الموجعه تمتزج الابتسامه بالمراره في حلوقنا ..
تحياتي
محمد
لو كان ربنا مديني مالكة في الكتابة احسن من كدة كنت صورت اللي انا حاسة بيه اكتر من اللي مكتوب بكتيييييييييييييير
شكرا لمرورك يا محمد و اتمني اشوك دايما في مدونتي
حلوة اوى يا شهووود
بس فكى يا سيتى مافيش حاجة مستهلللللللة
كله على الله(يويا)
لازم نضحك مهما كان الالم وده فى حد ذاته انتصار عليه
شكرا يا يويا علي مرورك
و انا مسلمة امري لله
موناليزا
المهم ان الضحكة تطلع من القلب
شكرا علي مرورك الكريم و اتمني زيارتك لي دايما
فعلا غصب عن الواحد بيكتب الاحزان اللى داخلة وبالذات الخواطر تخرج حزينة لانها تخرج من القلب وتحياتى
تحياتي لك ياسلوي و شكرا علي مرورك الكريم
مش أول مرة أجى أزورك ، بس قلت المرة دى أسيبلك تعليق علشان تعرفى إنى باجى و مش محتاجة عزومة
:)
المهم ماتشيليش هم للدنيا ، الأحزان دى هى اللى بتصقل الروح و بتخلى الإنسان أكثر خبرة و تجربته أكثر عمقاً .
روق يا جميل :)
تحياتي
شدني الاسلوب و المعني....لكن كم التشاؤم كبير...
اتمني ان تعيدي النظر الي الحياة مرة اخري وان تنظري الي ما انعم الله به عليك....و أسأل الله لي و لك المزيد من
النعم...و ان يسعد قلبك و قلوب الجميع
تحياتي و تقديري
شكر ا يا شوشو طيب انا بس اعرف منين عموما نورتيني و البيت بيتك في اي وقت
الربان
شكرا علي كلامك و دعاك يارب ليا و لك و للمؤمنيين جميعا
و انا مش متشائمة انا بس الفترة اللي فاتت كان قلبي واجعني و كنت زهقانه من الدنيا جدا بس دلوقت الحمد لله احسن
لا طبعا أحملي الحلم أمل
congratulations on the new blog shad, but why the sad mode, you are always in reasonable mode on my blog, what happened :)
انا اول مره ادخل على مدونتك و بصراحه فرحان جدا انى لقتها
تانى حاجه احب احيكى على موهبتك و عجبنى اوى الجملتين دول:
الضحكة تخرج مقتولة
شايخة جريحة مشلولة
بالتوفيق يا شهد
بسم الله
بجد كلماتك رائعه على الرغم من ان القصيدة صغيورةالا انها تحمل كم هائل من الاحساس والالم .............................................
و عيـــوني هي بـتتكلــم
علي الزمن اللي ما تبسم
و حرمني حتى من الأحلام
خالص تحياتى
جيلان
محمد
المهم يا محمد ان الحلم يتحقق لكن لما تحلم طول عمرك حلم و مايتحققش بتتصدم صدمة جامدة جدا
شكرا لمرورك و اتمني وجودك دايما في مدونتي
تحياتي
mohaly
يا هلا يا هلا منورني و منور المدونة
الله يبارك فيك
و بالنسبة للنكد اللي في المدونة فا الواحد لما بيمسك قلم بيكتب اللي هو حاسة و انا كنت في حالة نفسية سيئة جدا في الفترة دي كنت كارهة الدنيا كنت كارهة حتي نفسي
بس دلوقت الحمد لله نفسيا احلي
و يا سيدي و لو عايز فرفشة ادخل علي مدونتي التانية كلها فرفشة ههههههه
http://totatotaa.blogspot.com
تحياتي لك و اتمني اشوفك منور مدونتي دايما
يعني يا كريم انت كدة هاتخليني اتغر
ربنا يكرمك يا رب و ده من بعض ما عندكم انت مدونتك و اسلوبك جميل جدا
بالتوفيق و شكرا علي مرورك و اتمني اشوفك دايما في مدونتي
اهلا بيكي يا جيلان
يعني مش عارفة اقولك اية ربنا يكرمك يا رب و شكرا علي كلامك الرقيق و منوراني دايما
كلماتك حلوة والصور الى فى المدونه اجمل
تحيااتى
شكرا يا رامي علي كلامك الرقيق و اتمني مرورك الكريم دايما
تحياتي
إرسال تعليق