تنبيه

تــنـبـيـه ... كــل ما يـنـشر بهـذه المـدونـة مـسـجـل من قـبـل حـقـوق الـمـلكـية الفـكـريـة و أي اقـتـبـاس او نـقـل لمحتـوى المدونـة يعرضــك للمسـائلـة القـانـونـيـة

الأحد، 7 سبتمبر 2008

رحـــايـــة

بدايتا بشكر كل اللي شاركوني أزمتي الفترة اللي فاتت و بشكر فرد فرد ساب تعليق يشاركني فيه حزني في بوست وجع قلب و خيانة
و بجد سعيدة جدا بإحساسكم ده
و ما كدبش عليكم أنا امبارح كنت في أسوء حالاتي النفسية و النهاردة الصبح لحد ما كتبت القصيدة دي
حاسيت بعديها أني ارتحت و يا رب تفضل الراحة دي

و بالنسبة للسرقة انا باخد اجراءات رسمية و قانونية دلوقتي عشان اثبت بيها حقي و ربنا يسهل
بشكر مرة تانية كل شخص علق ع البوست اللي فات و اسيبكم مع الرحاية


رحاية يا دنيا

و اللي جواكي هالك

عمرك ما بتحني علي الخلايق

طبعك كدة و لا شيء معاكي فارق

و أية يهمك واحد زى مضايق

مخنوق بهمه و نفسه للحياة يفارق

ما هو كل يوم مالمر و الضنى دايق

و الهم في القلب و في الأوصال قوي و حارق

طبعا ولا يهمك و أنتي صحيح مالك

ما أنا لا بن عمك ولا كنت يوم خالك

أنا يا دوبك عبد من عباد ربك

كان فاكر ها توديه لكن لاقي صَدِك

و الظلم و القسوة كان هو ده ردك

أوعي بعمايلك تظني أني هابوس يدك

و اركع و أقول الرحمة أنا في عرضك

لا ده أنتي حلمك كدة فاق السما عندك

أنا ليا رب كريم بسهولة أروح عنده

افرد ايديا للسما اطلب ها دوق سعده

ده ربنا اكبر مالوجود كله

عايشين يا دنيا تحت رحمته و ضِله

يا رب ارحم عبدك و ارفع شدته و ذله

و إن كان ده ابتلاء أنا راضي به كله

و الحمد و الشكر لرحمته و فضله


بقلم / هاجر العشــري

هناك 53 تعليقًا:

محمود حسن العدل يقول...

اول تعليق عندك
كل سنة وانتى طيبة وبخير
هاجر
بجد البوست احساسة عالى اوى اوى اوى
كلة صادق اوى لذلك لم يستاذن لدخول قلوبنا .
ويأثر فينا رغم القسوة الذى يحملها البوست
بجد بحيكي علية اوى اوى
تحيااااااااااااااااااااااتى

Dr Ahmed Said@Black Armor يقول...

كان نفسى اكون اول تعليق بس مش مهم المهم انى اعلق على الجمال
بجد رائعة وحاسة بينا كلنا
ربنا يفرج همك ويديم عليكى الاحساس بالراحة
دمتى دائما بخير
ورمضان كريم
خاليه يغسل همومك

فارس بلا جواد يقول...

روعة يا هاجر
هي الازمة بتطلع كلام حلو كده
المرة دي حسيت ان القافية ممتازة ومش مقيداكي .. والاوزان كانت جميلة جدا ومظبوطة
كويس انك غيرتي القافية كده يبقي عندك حرية أكتر بدل ما كنتي تمشي الابيات كلها بقافية واحدة
المهم يا ريت حالتك النفسية تكون احسن دلوقتي
بالتوفيق يا هاجر
تحياتي

غروب يقول...

الحمد لله مش متاخره اوى

انا مش عارفه اقولك ايه والله .....

بجد بجد هاااااااايله جدا ماش اء الله انا ماسكه الخشب

جميل انك ف الازمه تقدر تطلعى حاجه زى دى

فعلا انا باقدر موهبتك جدا وربنا يسعدك زى م انتى بتسعدينى لبعض اللحظات لانى بحب الشعر والكلمات جدااااا

سلام يا قمرايه

الفارس الملثم يقول...

يا رب ارحم عبدك و ارفع شدته و ذله

و إن كان ده ابتلاء أنا راضي به كله

و الحمد و الشكر لرحمته و فضله

جميله اوي النهاية دي للقصيده..

بورست رائع اوي يا شهد رغم انه يئن بوجع خاص تنزف به السطور ..

ازال الله كل همك وحزنك , ودايما اقرب لله ولرحمته , اتمني تكوني افضل دلوقتي

أحمد فاروق الشاذلى يقول...

أولاً: انت مش محتاجة تشكرى حد على وقوفه جنبك أو رده على البوست اللى فات

ثانياً: دة واجب علينا كلنا

ثالثاً: أنا قصرت معاكى جداً وانا عارف بس ياريت ماتزعليش عشان كان عندى امتحانات وانت عارفة

رابعاً: البوست دة بجد فوق الوصف هايل والكلام فيه يوجع على قد ما هو جميل

خامساً: زى ما فارس بلا جواد قال القافية والأوزان مضبوطين

سادساً: تحياتى

فارس بلا جواد يقول...

ازيك يا شهد
كل سنه وانتى طيبه
مبروك رجوعك
وتسمحيلى اقولك هاجر
بوست جميل كالعاده
ومن تميز لتميز

تحياتى

نـــــور يقول...

هاجر الجميله وشهد سابقا

الله ينور عليكى
تعرف
كده اخدتى الطريق المظبوط
همك ربنا يفرجه عنك
احساسك زى الفل ليكى حق ترتاحى بعد ماكتبتيه

يارب تكونى دلوقتى بخير
دمت فى امان الله

محمد فاروق الشاذلى يقول...

السلام عليكم ورحمة الله وبركاته
أختنا العزيزة هاجر
سعيد جدا بارتفاع روحك المعنوية وانفراج الازمة.
هذه المرة هى أروع ما قرأت لك بلا مبالغة أو مجاملة فكل كلمة فى هذه المقطوعة الشعرية تتسرب إلى القلب فى خفة وتسكن فيه.

تسلم إيديك يا شهد الكلمات.

محمد فاروق الشاذلى يقول...

انتى عارفة الحسنة اللى جت من ورا حكاية السرقة دى ايه ؟؟؟
إنك قلتى اسمك الحقيقى ايه D:

momken يقول...

اعلق اقول ايه بس

انا مزبهل
عجبنى كلامك اوى
وعجبنى تحديكى للدنيا
وعجبنى اوى لما حولتى القصيده واتحديت الدنيا برب العزة سبحانه

جميله جميله يا هاجر تسلم ايدك
طبعا مفرداتك العاميه بتبهرنى اصلا
يمكن علشان العميه بتعتى مضمحله
انتى دائما رائعه
رمضان كريم

تحياتى

شهد الكلمات يقول...

محمود حسن العدل

اول تعليق و اول زيارة

نورت المدونة و سعيدة جدا بتشريفك ليا

و شكرا بجد علي كلامك الجميل ده

اتمني تشريفك و زيارتك دايما في المدونة

نورتني

تحياتي

شهد الكلمات يقول...

dr.a.s

ايوة انت صح المهم ان انت شرفت مدونتي بزيارتك و تعليقك و دي اهم حاجة

الحمد لله ربنا كبير و النهاردة احسن من امبارح كمان

كلامك اسعدني و سعيدة ان البوست عجبك

نورتني

تحياتي

شهد الكلمات يقول...

فارس بلا جواد

الحمد لله احسن كتير

و يظهر كدة ان قلمي بيجي ع النكد هههههههه

بس يمكن عشان الكلام كان طالع من القلب قوي قوي طلع حلو زي ما بتقولوا
انا مبسوطة ان الكلام عجبك و الاوزان طلعت مظبوطة

انت عارف رايك بيهمني اد اية

شكرا علي سؤالك

نورتني

تحياتي

شهد الكلمات يقول...

ساسو

ده اية الكلام الجامد ده

اقول اية بس بعد الكلام الجامد ده

و الله ربنا يخليكي يا ساسو

و الحمد لله الازمة عدت و ربنا بيحبني ان فيه ناس زيك و زي زمايلنا المدونين بيوقفوا جنبنا وقت الازمة

نورتنيني يا قمر

تحياتي

شهد الكلمات يقول...

محمد

كل سنة و انت طيب
دي عشان عيد ميلادك مش رمضان

انا مبسوطة ان الكلام عجبك

و انك حاسيته
تسلم احساسك

نورتني يا باشا

تحياتي

شهد الكلمات يقول...

المسرحجي

لية يا باشا قصرت فين بس

و بعدين مش عارفة مدونتك مالها بدخل عليها بتعمل زي ما كانت مدونة قلب مصري ما بتعمل بتفتح ع الصفحة عنوان و بس منغير كلام
مش عارفة لية

عموما حمد الله علي سلامتك و اتمني تكون ظبط التظابيط في الامتحان

نورتني

تحياتي

شهد الكلمات يقول...

اسامة

ازيك يا اسامة عامل اية

الله يسلمك

و كل سنة و انت طيب

و ناديني زي ما تحب

شكرا علي كلامك المشجع

نورتني

تحياتي

شهد الكلمات يقول...

حبيبة

ازيك يا بيبو

الحمد لله علي كل حال

ربنا كان جنبي و مش قادرة اقولك انا دلوقتي الحمد لله نفسيا احسن كتير
ربنا يديمها علينا راحة البال

مبسوطة ان البوست عجبك يا قمر

طبعا مش محتاجة اقول انك نورتيني و شرفتيني

تحياتي

شهد الكلمات يقول...

قلب مصري

الحمد الله بجد يا مصري
انا مستريحة نفسيا دلوقتي اه لسة في مشاكل في الشغل جامدة و احتمال اطلب نقلي من براثن الشر اللي انا قاعدة فيها هههههه بس رغم المشاكل دي كلها حاسة ان قلبي فيه راحه و ان مشاكل الشغل دي هاتتحل في صالحي لاني علي حق و براعي ربنا في شغلي
و الحمد لله علي كل حال

وطبعا مش قادرة اقولك انك ذواق في ايستيعاب جمال الاسماء هههههههه انا برده بحب اسمي

نورتني يا بو رقية

تحياتي

شهد الكلمات يقول...

ممكن

ده من بعض ما عندكم

و شهادتك دي اعتز بيها من شاعر جامد زيك

بجد شكرا علي كلامك المشجع

نورتني

تحياتي

Blue Nile يقول...

ازيك يا شهد
على فكرة اسمك جميل جدا
يارب تكوني احسن دلوقتي وربنا معاكي
ارمي يا بنتي ورا ضهرك مفيش حد يستاهل زعلك
نيجي للموضوع بقى
اسلوبك وكلامك جميل رغم الحزن اللي فيه بس مقردة حالتك طبعا
عايزينك ترجعي لمواضيعك الخفيفة وتبقي في المود بقى

رئيس التحرير يقول...

شهد الكلمات ...لا ليس للكلمات شهد الا اذا كانت من شهد..فللكلمات ايضا مراه الحقيقه..انك تجرعينا حنظل الكلمات شهدا.
جميل يا ...شهد..

مـجـنـووون يقول...

الله علي الكلام الجميل والأسلوب الرائع

بجد بجد أنتي بتكتبي زجل جميل جدا

وأحلي حاجه عجبتني

أوعي بعمايلك تظني أني هابوس يدك

و اركع و أقول الرحمة أنا في عرضك

لا ده أنتي حلمك كدة فاق السما عندك

أنا ليا رب كريم بسهولة أروح عنده


ده المفروض يكون حالنا مع الدنيا ومع أي مشاكل نوجها ، نقف ضدها ونلتجأ لربنا وأكيد مش حيسبنا لأنه عمره ما طرد حد من رحمته

تقبلي مروري
مجنووون

كلام حسام يقول...

يا دنيا مهما ما تضيفي
فيكي هاجر
بقلب شديد اوي اوي ساخر
وأن كان الحزن فاكر
انه بجد شاطر
وهيقدر علي قلبك
يبقي خايب
ده قلب هاجر
عارف ومذاكر
وعامل الواجب
وفي الدرب صابر
ده بحر هاجر
شديد اوي
ياما استحمل سفن وبواخر

غير معرف يقول...

البوست رائع جدا و إحساسه رائع أوى بس بيوجع أوى
بس مش سعيدة إن تكون أول زيارة ليا بعد أزمة حصلتلك
على العموم أنا حقوم دلوقتى اصلى الفجر و حتدعيلك ربنا يفك كربك
و كل سنة و أنتى طيبة

غير معرف يقول...

ازيك يا شهد

تصدقى اول مرة أعرف أن اسمك هاجر

يا ستى بصى الحزن شئ أساسى فينا

بس الامل دائما بيكون موجود ورغم عدم معرفتى بالسبب لكنى يمكن ان أقول أننى أراك ألآن تبتسمين وصدقينى لو أبتسمت فقط ستزول أحزانك

تحياتى

شهد الكلمات يقول...

blue nile

شكرا يا قمر علي كلامك الجميل

الحمد لله هي الدنيا كدة يوم حلو و يوم وحش و اهي ماشية

سعيدة ان البوست عجبك

نورتيني يا قمر

تحياتي

شهد الكلمات يقول...

رئيس التحرير

اهلا بيك في اول زيارة

نورت المدونة و شرفتني

و كلامك شرف ليا و كتير عليا جدا

بجد شكرا علي كلامك الرقيق

نورت المدونة و اتمني تشريفك ليا دايما

تحياتي

شهد الكلمات يقول...

مجنون

عندك حق ربنا عمره ما طرد حد من رحمته

شكرا علي كلامك الرقيق

و سعيدة ان البوست عجبك

نورتني

تحياتي

شهد الكلمات يقول...

كلام حسام

يا ربي اية الكلام الجامد ده

اروح فين من ذوقك بجد شكرا خالص

اولا اهلا بيك في اول زيارة للمدونة

شرفتني و نورتني

اتمني زيارتك دايما في المدونة

كل رمضان و انت طيب

تحياتي

شهد الكلمات يقول...

انا و دماغي

احلي تعليق

شكرا بجد علي احساسك العالي و دعوتك ليا

اولا اهلا بيكي في اول زيارة في المدونة نورتيني و اسعدتيني بزيارتك

انا الحمد لله احسن نفسيا دلوقتي

ياريت تشرفيني دايما بالزيارة

نورتيني

تحياتي

شهد الكلمات يقول...

المحارب المتيم

بص هي المشاكل كتيرة بس اكبرها كان ان في حد سرق الشغل بتاعي اللي علي المدونة و نسبه لنفسه
بس دلوقتي باخد الاجراء الرسمي و القانوني

و لو ع المشاكل التانية فادي ماتتعدش

بس عموما انا الحمد لله نفسيا احسن دلوقتي

و معنوياتي مرتفعة الحمد لله

شكرا علي اهتمامك بجد

نورتني

تحياتي

Unknown يقول...

هاجر..........حلوه الكلمات و احلى حاجه فيها انها سبب رحتك النفسيه
و ان شاء الله حقك يوصلك


تحياتى

شهد الكلمات يقول...

كريم

شكرا يا كريم علي احساسك الرقيق

و انا رامية حمولي علي ربنا و ان شاء الله ربنا هايقف معايا

نورتني

تحياتي

Unknown يقول...

اية رأيك تشرفنا بالتواجد معنا يوم السبت؟ 13/9 هنتقابل فى مستشفى ابو الريش الساعه 3 عصرا للتبرع للاطفال
؟؟؟
وباقى التفاصيل عندى بالمدونة

رئيس التحرير يقول...

كانت بالفعل الزياره الاولي التي اترك فيها تعليقا. كنت اتمن ان اتشرف بزيارتك . ولولا اني تلقيت الدعوه ما عدت مره اخري...تقبلي تحياتي ..ولوكانت لي بعض التعليقات ..
هل يتسع صدرك ؟

شهد الكلمات يقول...

نهر الحب

كان نفسي اكون معاكم لكن مع الاسف في ظروف تمنع
ان شاء الله المرة الجاية

كل سنة و انتي طيبة

تحياتي

شهد الكلمات يقول...

رئيس تحرير

اهلا بيك في اي وقت و اهلا بتعليقاتك
و شكرا علي اهتمامك

تحياتي

حنين.. يقول...

شهد
والله كلامك شهد
تسلم ايكيكى بجد
انا بحب كل حاجه بتكتبيها يا عسل
انا والله بمجرد ما امسك ورقه وقلم واكتب فيها انا زهقانه برتاح
ما بال بقى اللى بيكتب شعر زيك كدا بقى
لازم يرتاح طوبعا
ورووقى يا قمر
وحاولى تستغلى رمضان عشان تتطلعى من الحاله دى
وعلى فكره يا شهد
احنا شكل بعض برده ههههههههه انا فى الحاله اللى انتى فيها
بصره يعنى

((أنا ليا رب كريم بسهولة أروح عنده
افرد ايديا للسما اطلب ها دوق سعده
ده ربنا اكبر مالوجود كله
عايشين يا دنيا تحت رحمته و ضِله
يا رب ارحم عبدك و ارفع شدته و ذله
و إن كان ده ابتلاء أنا راضي به كله
و الحمد و الشكر لرحمته و فضله))
تسلمىىىىىىىىىىىىىىىىىىىىىىىىىى
ودمتى سالمه وبخير
فى انتظار المزيد

غير معرف يقول...

شهد

رحتى فين

راحت فين شهد اللى كانت كل يوم لينا

زاد رسمى من خفةالدم والكلام الجميل

فين شهد صاحبك التعليقات الخفيفة

وفين شهد اللى وعدتنى بشقة بدورين ( اه دى محتاجها فعلا )

واللى انتى نسيتى احنا فى رمضان

يا عسل انا اتعلمت أدوس على كل اللى فى طريقى منك انتى تيجى انتى تقلبى كدة

يا ستى عدى ولا يهمك

يالا مستنين البوست الجاى بقى الواجب


وكمان قصيدة على ماتش الاهلى

والزمالك اللى عدى علشان أنا اتحرق

دمى من لعيبة الزمالك والحكم ولو

كتبت هشتم وانا صايم

رمضان كريم

محمد فاروق الشاذلى يقول...

أنا جاى أغيظك وأمشى
يوم مستشفى أبو الريش كان جامد جدا جدا جدا وكنا اكتر من 60 مدون وكنا معانا كمان ناس مش مدونين
وكان يوم من أجمل الأيام

يلا اتغاظى بقى علشان ماجتيش

كلام على بلاطة يقول...

كل عام وانت بخير

بنوتة يقول...

البوست جميل جدا و بجد احساسه جميل

شهد الكلمات يقول...

حنين

ازيك يا قمر

يبقي حاولي انتي كمان تستغلي شهر رمضان انك تخرجي من الحالة اللي انتي فيها

شرفتيني يا قمر

تحياتي

شهد الكلمات يقول...

المحارب المتيم

ماتفكرنيش بالماتش انا جالي شلل من لعب الاهلي و قومت في نص الماتش مارضيتش اكمل فرجة

اللعب وحش و الحكم متقبض باين جامد يعني

و الواجب يا سيدي قريب ان شاء الله

شكرا علي الكلام الجميل الجامد اوي ده اللي في الاول

بجد شكرا

تحياتي

شهد الكلمات يقول...

قلب مصري

هي بقت كدة

ماشي يا بني ادمين بقي كدة يا قلب

و انا اللي بقول انت الضهر اللي بتسند عليه في المدونة تعمل فيا كدة

انا مش هاتكلم انا هاحكم ام رقية عليك و هي هاتجيبلي حقي

بس عايزاك تنزل بوست تحكي فيه اللي حصل

تحياتي

شهد الكلمات يقول...

كلام علي بلاطة

و انت طيب و بخير

تحياتي

شهد الكلمات يقول...

بنوتة

شكرا علي ذوقك و كلامك الرقيق

نورتيني

تحياتي

كـــيــــــــارا يقول...

الله ياهاجر

بجد الله عليكي وعلي احساسك

تحياتي

l7zatelsafa يقول...

حلوة جدا
يسلم

شهد الكلمات يقول...

كيارا

شكرا علي شعورك الرقيق يا قمر

نورتي

تحياتي

شهد الكلمات يقول...

صفا

اهلا بيكي في اول زيارة

نورتني و شرفتيني و اتمني تتكرر زيارتك ليا طبعا

شكرا علي كلامك

نورتني

تحياتي