شخبطة لخبطة
الدنيا أخر شحطتة
فيها خطوط متشخبطة
و خطوط واقفة متظبطة
و خطوط سارحة و مستعبطة
و خطوط في الجو مشعبطة
* * * *
و خطوط طالعة نازلة علي السطور
و خطوط ترسم لك بحور
و حروفها دايرة في طبق بنور
فيها الكلام زى الصقور
و فيها حملان واقفة طابور
و فيها تعالب دايرة تدور
* * * *
حلقة لكن متخططة
فيها اللي فرحان زئتطة
و فيها اللي شقيان مرمطة
و فيها اللي عايشها هامبكة
شخبطة لخبطة
الدنيا أخر شحطتة
بقلم / هاجر العشري
هناك 4 تعليقات:
باعتبارى أول معلق أحب أقولك إن فعلاً الدنيا عبارة عن خطوط متشابكة لها أول ولها آخر لكن نظراً للتشابك الشديد بين هذه الخطوط لا يدرك أحد أين الأول وأين الآخر.
بس بجد برافو عليكى البوست جميل.
صدقتى والله الدنيا اخر شحطته
وناس برضو عايشة همبكة
هههههههههههههه
لا بجد جميله اوي يا شهد , عارفه انا بحس دايما ان شعرك العامي ليه مذاق خاص بيميزه اسلوبك اللي انتي بتعطيه روح ساخره محببه
تعرفي كتير من الناس اللي قادرين يكتبوا كلام حزين بيمتلكوا ملكة السخريه اللاذعه
والقصيده دي كمان فيها عمق فلسفي رغم بساطة كلماتها
بس فعلا الدنيا طول عمرها اخر لخبطه
تحياتي
محمد
محمد
يا هلا بصديقي العزيز
ده اية الكلام الجامد ده يعني اقول اية بعد الكلام ده
بجد اخجلتم تواضعنا.......شكرا علي كلامك الرقيق و المشجع
تحياتي
إرسال تعليق