خلصت خلاص و بختياري
أخـــر كـــلام و ده قـــراري
هابعد و أنا بداري انكساري
آيوة اتجرحت لكن ها داري
آيوة أتهــدم حبــي و داري
آيوة أتقلــــب ليلي نهــاري
لكـــن أنا راضــية بحالـــي
و بقلبي ها غني احلي موالي
طبعا ده يوم فيه انتصـــاري
يـــوم ما أشوف قلبك يلالي
و دمع عينك علي الخد جاري
و تيجي تقول بعدك دماري
لكن خلاص راحت ليالي
صبرت فيها و الصبر غالي
أنا ها نسحب ذوق احتمالي
اللي خلص و ياك يا غالي
خلصت خلاص و بختياري
إهداء
إلي المتمردة
التي رفضت أن تكون تابعة
بقلم / هاجر العشري
هناك 29 تعليقًا:
جميييييييييييل جداا
علي فكره المتمرده دي ليها حق متكونش تابعه لحد
ميرسي علي الكلاام الحلو ده
تقبلي مروري
سلاام
قلت لك سابقاً أن إكتشاف الحقيقة ولو متأخراً خيراً من العيش فى الخديعة طول الوقت، واليوم أقول لك أن الانسحاب من العلاقات الغير عادلة ولو جاء متأخراً خيراً ألف مرة من الاستمرار فى هذه العلاقة.
تعجبنى وجهات نظرك التى تطرحينها فى أشعارك، كلمات جميلة بحق.
هاجر
علي الرغم من انها قدمت تضحيات كبيرة جدا لكن حريتها خليتها تدوس علي كل ده
تحياتي و تنوريني دايما بزيارتك للمدونة
قلب مصري
شكرا علي الكلام الرقيق اللي رفع من روحي المعنوية كثيرا
تحياتي
الرضا بالحال دة اهم حاجة وبيخرج الواحد من كل هم وجرح
كلمات جميلة ابدعتى فيها
نورتى المدونة عندى
تحياتى
كلمات أكثر من رائعه ...حفظك الله
همر باستمرار أشوف الجديد لأني بعشق الشعروالأزجال ..وبكتب شوية شخابيط بس مش حلوه كده
تحياتي
بتمني الخير ليكي وليه
ازيك يا شهد
انا اكتشفت انك كمان بتعرفى تحسى لغيرك احساسى عالى اوى يا شهد
تحياتى.....
جميلة كلماتك
وفيها جماليات كتيره
تحياتى لكى
كلام جميل .. كلام معقول .. ما اقدرش اقول حاجه عنه ...
فكرتك حلوة جدا وفيها تمرد ورغبة في عدم الاستسلام .. والقوة دي بتبقي مطلوبة في مواقف كتير .. عشان نقدر نكمل الحياة
ويا رب دايما تنوري مدونتي
تامر
عندك حق فعلا لو للحظة مارضيت عن نفسك هاتحس ان الحياة اسودت في وشك و ما عاد لها طعم
شكرا علي كلامك الجميل
منورنى دايما
تحياتي
ema
يعني بصراحة مش عارفة اقولك اية علي الكلام الحلو اللي قلتيه علي المدونة دي و التانية
ربنا يخليكي و يكرمك و انا واثقة انك بتكتبي حلو و ان شاء الله هازور مدونتك و اشوفهم
تحياتي
مصطفي
لا يا مصطفي مش انا صاحبة المشكلة دي واحدة صحبتي بتمر بمشكلة دي و انا تفاعلت معاها و كتبت الكلمات دي
بس انا بدعي لها دعوتك و يارب تبقي دايما في خير هي و هو
منورني دايما
تحياتي
كريم
انا الحمد لله كويسة
اللي مايحش باللي حوايه مايستهلش انهم يبقوا حواليه
و ربنا يخليك لكلامك الحلو ده
تحياتي
رئيسة حزب الاحلام
شكرا علي مرورك الكريم و كلماتك الرقيقة و اتمني زيارتك دايما
تحياتي
شكرا علي كلامك المشجع جدا ده
و نورت مدونتي يا رب دايما كدة
و اكيد لازم ازور مدونتك كتييييييييييير جدا لانها حلوة جدا جدا جدا
خلصت خلاص و بختياري
أخـــر كـــلام و ده قـــراري
=================================
اصعب حاجه فى حياة كل شخص هى اتخاذ القرار فما بالك لما يكون القرار دا بالاختيار التام هايبقى افضل اختيار
=================================
آيوة اتجرحت لكن ها داري
=================================
الانسان صعب يدارى ودا مش اى حزن ولا اى جرح بس فى ناس بتقدر وبتدارى جراحها
=================================
و بقلبي ها غني احلي موالي
=================================
جميل ان الانسان يبدىء من جديد وينسى جرحه بس الاجمل انه يتعلم منه ويفتكر الدرس بس
=================================
يـــوم ما أشوف قلبك يلالي
و دمع عينك علي الخد جاري
=================================
صدقينى الكلام دا من ورا قلبك لان الانسان لو فرح فى احزان اى حد مستحيل يفرح لو شاف دموع فى عين حبيبه مهما حبيبه جرحه او بكى عنيه
ممكن الواحد مايرجعش تانى لحبيبه مهما اتاسف ومهما عمل لان الانسان كرامه لكن عشان يفرح فيه فبيبقى فى ظاهر بس
الى اقرب لقاء
رازى
فـ نـ ا نـ ة
ولكن سؤالى هو..
اذاكانت تلك الكلمات اهداء لمتمردة،
فماذا عن الكاتبة؟
ايه ده انا كل ما اغيب الاقيكي عامله قصيده حزينه لحد , بس شكل المتمرده دي انتي المرة دي ممممممم
و دمع عينك علي الخد جاري
و تيجي تقول بعدك دماري
كلمات جميله زاحساسها قوي يفيض بالثوره بس ايه القسوه دي كلها , هو اكيد الانسان لما ينجرح اوي من حد ,بيتعلم اول دروس القسوه او ممكن تكون لحظة ثوره وتمرد اترجمت لكلمات تحمل الاحساس القوي والعنيف ده
تحياتي
محمد
رازي
شكرا علي التحليل ده
بجد حلو
بس مش انا صاحبة المشكلة دي انا بس يدوبك اتاثرت بصديقتي اللي فسخت خطوبتها و كتبت الكلمات اللي حسيت انها عايزة تقولها
و في ساعات كتير من كتر الجرح بتكون عايز تنتقم نفذت بقي ولا لا دي مش قضية بس انت في قلب الحدث بتبقي عمال بتتوعدك للي جرحك و في الاخر بيبقي كلام بس بيطفي نار قلبك
و انا معاك اللي يبحب لا يمكن يكره او يتمني الشر لحبيبه حتي لو قتله بسكينه تلمة
تحياتي
رؤية
سؤال غريب ما جاوبش عليه ههههههههههه
و الله انا حسب ما فهمت من سؤالك هو الحالة العاطفية و لو كان فعلا كدة فا انا في حالة فراغ عاطفي كبيييييييييييييييير بقالي زمان يعني لا في قصة حب ولا شكلها في عمرها هاتكون
يعني ربنا يكرم
قلبتي عليا المواجع
ههههههههههههههههههه
يا رب تنوريني دايما بالزيارة الكريمة دي
تحياتي
محمد
حمد الله علي السلامة
لا يا محمد غلطت المرة دي دي عن واحدة صحبتي بجد جرحها فسخ خطوبتها جدا
و لما شفت دموعها اتاثرت بيها و كتبت القصيدة دي لو تنطبق عليها يعني اسم قصيدة
و بيني و بينك انا كنت متغاظة من خطيبها ده عشان هو فعلا ساب جوهرة فاحساي بالغيظ منه و احساسي بيها و احساسها هي المجروحة اللي عايزة تثأر لكرامتها كل ده طلع الكلام ده
تحياتي
لا يا محمد غلطت المرة دي دي عن واحدة صحبتي بجد جرحها فسخ خطوبتها جدا ..
ايه يا بنتي صحباتك كلهم مجروحين في الحب كده ..
يبدو ان الناس دلوقتي مقسومين تلات اقسام .....
ناس بيدوروا عن الحب .
وناس مجروحين من الحب
وناس اغلقوا قلوبهم للابد امام الحب
محمد
يا جامد يا جامد دي اية الفلسفة الكئيبة دي خلاص يا محمد انت كدة شكلك فقتني اكتئاب
هههههههههههههههههههه
تحياتي
شهد الكلمات
فعلا اسم على مسمى
انا قريت اغلب القصائد اللى انتى كاتباها
فعلا كلامك جميل وشاعرى
اكتر قصيدة عجبتنى
كأس المر
اصلو انا شربته علشان كدة القصيدة
عجبتنى
غير كدة قصايدك جميلة جداااا
وفوق كدة رومانسية وتشد
تحياتى
الاديب العاشق
عرفة فاروق السيوطى
يارب تشرفينى بالزيارة
الاديب العاشق
شكرا علي كلامك الرقيق و اعجابك بالمدونة
و شكرا علي رايك الحلو في كأس المر و انا سعيدة انها عجبتك و لو اني ماكنتش افضل ان حد يشرب الكأس ده
شرفتني زيارتك و يا رب دايما
تحياتي
هي ديه قصة وراحت ولا عشان تكتبي بتعيشي فياحلام الجراح ثم تكتبي ع العموم كلمات جميلم ربنا يوفقك سلام بقي
منوراني يا نور
اية الداخلة الجامدة دي
يا خونا الكلام ده عن واحدة صحبتي فسخت خطوبتها مالهاش علاقة بيا مطلقا
عموما انتي نورتي و اتمني زيارتك دايما
تحياتي
إرسال تعليق