طَفيت شموع العيد
و القلب ما هو سعيد
ما في الحياة تجديد
و القلب كله شجون
عَدت سنة كمان
مغمورة بالاحزان
عمري بلا عنوان
مدفون بقاله زمان
بين الآه و الحرمان
و الجرح و الكتمان
يمكن شموع العيد
جاية بحلم جديد
جاية بنهار سعيد
في بداية عام جديد
بقلم / هاجر العشري
هناك 11 تعليقًا:
كل سنة وانت طيبة ويارب شموع العيد الجاى يكون بكاها دموع فرح بالسنة اللى عدت من العمر
قلب مصرى
كثير بتمر سنه من عمرنا , واحنا بننتظر امل جد واحداث سعيده بس بنكتشف ان العام الجديد ده زود مساحة الحزن في قلوبنا , وزاد احساس المراره في حلوقنا ؟؟؟؟؟؟؟
معلش رد كئيب شويه , بس المود سئ اليومين دول
ابقي شيلي خاصية التحقق من الحروف في الرد
تحياتي
محمد
اولا كل سنه و انتى طيبه
تانيا الكلام حلو
ثالثا مينفعش الحزن ده ف عيد ميلادك
تحياتى
بتبدىء كلامك بحزن والم وبتنهيه بامل وفرحه واستمرار للحياه وتفائل
اسلوب جميل وتعبير اجمل استمرى وماتيأسيش
كل سنه وانتى طيبه والسنه الجايه تجنى فيها احلام وامال سعيده
الى اقرب لقاء
رازى
قلب مصري
و انت طيب انا بتمني ده من كل قلبي
تحياتي
محمد
اية المود الكئيب ده هو انا بهت عليك ولا اية لا لا لا روق كدة
و هاشوف الخاصية دي
تحياتي و روق كدة ماحدش واخد حاجة من الدنيا
كريم
اولا و انت طيب و بخير
ثانيا شكرا علي الكلام الرقيق
ثالثا انت ما تعرفش اليوم ده مر عليا ازاي (يعني رصيد العمر خلص منه سنة)
تحياتي
رازي
و انت طيب و مش عارفة اقولك اية علي الكلام الجميل ده رفعت من روحي المعنوية
تحياتي
اية المود الكئيب ده هو انا بهت عليك ولا اية لا لا لا روق كدة
شكلك انتي يا بنتي اللي متعرفنيش , دانا اكبر مصدر للاكتئاب في المدونات ههههههههه
,لا مبهتيش علي ولا حاجه يا شهد , كل واحد عنده اسبابه الخاصه لحزنه
تحياتي
ان شاء الله تكون زوبعة في فنجان و تنتهي بسرعة
ربنا يروق بالك و يسعد حالك قول امين
كل سنة وانتى حبى معاكى
كل سنة وانتى ف القلب هواكى
ولاتحزنى ولا تزعلى لسه مجاش الى يستاهل هواكى
يويا
إرسال تعليق