جالا جالا جالا
قالك أية قالك آه
قالك يا بن ادم ها نوريك العجب
زمن العجايب و قلة الأدب
زمن الأصول فيه ولا و ذهب
و الحق فيه خلاص احتجب
و الخير فيه يا سيدنا أتنهب
و الشرف فيه راح و أتسلب
و إذا عرف السبب بطل العجب
* * * *
لما الضمير في قلب الجدع يترشى
و لما الحلال في لقمه عيشه يتنسى
و لما الحريم ببيع الهوا تتكسي
و لما شرفها تلبسه توب شفتشي
و لما الحق أصبح حجمه ترمسي
و لما الطموح يصبح ظهوره مشمشي
و لما الشباب يوماتي الخمر يحتسي
و لما الشيطان من افعلنا يختشي
و لما ذنوبنا في قلب كتابنا تتحشي
* * * *
جالا جالا جالا
قالك أية قالك آه
قالك يا بن ادم ها نوريك العجب
الزمن بريء و أنت السبب
فوق يا أخينا و انسي الدهب
انسي المجون و انسي الصخب
انسي المراكز و الخطب
فكر في حالنا و السبب
وقت الفوقان خلاص وجب
بقلم / هاجر العشري
هناك 61 تعليقًا:
جميل جدا برافوا عليكي
اوروفوار
احلى حاجه فى كلماتك انها بتبان سطحيه رغم انها عميقه جدااااااااااا
تحياتى
جميييييييييل جداا يا هااجر
بجد روعه
استمري بقي
البوست جميل جدا وبداخله معاني تشمل عاصرنا الحالي
وبجد غايه في الروعه
البوست جميل جدا وبداخله معاني تشمل عاصرنا الحالي
وبجد غايه في الروعه
حقاً إنه زمن الحواة والفهلوية وأصحاب الثلاث ورقات.
إنه ((إلا قليلاً)) زمن البجاحة والتناحة ... زمن لا ذنب له إلا أننا فيه
البساطه والعمق وملامسة الواقع هو كلمة السر في كتاباتك
بوست جميل اوي ويرسم شكل بانورامي لواقعنا
دايما كتاباتك تحمل نكهه خاصه يا شهد
تحياتي
طهقانة
اهلا بيكي في اول زيارة اتمني ماتكونش الاخيرة
نورتيني و اسعدني مرورك
و شكرا ع تشجيع
و عليكم الاوروفوار و رحمة الله و بركاته
blue wave
و ده مدح و لا تريقة هههههههههههه
انا هامسك في عميقة جدا دي و اعمل بيها فرح
نورتني يا دكتور و بسعد برايك دايما
تحياتي
هاجر
يا هلا يا هلا
ده اية النور ده كله
شكرا بجد ع تشجيعك
و هاستمر بقي هههههههه
نورتيني يا قمر
تحياتي
السهم المكسور
بشكرك ع كلامك الرقيق المشجع
و ع زيارتك اللي هي غاية في الروعة
تحياتي
قلب مصري
مش كلهم يعني ماتجمعش كدة يا مصري
لحسن نتعلق و احنا مش نقصين هههههههههههههه
نورتني يا باشا
تحياتي
محمد
بصراحة يا محمد بستني تعليقك كل بوست
بهتم اعرف رايك اية و بصراحة دايما بتثبتني برايك و ذوقك
ربنا يخليك يا محمد ع الكلام الجميل اللي قلته ده
تحياتي و منورني طبعا
البوست جميل يا شهد بجد وتسلم ايدك
الاوزان مظبوطة كويس
وكمان الكلام له معني وعمق جيد
في البوست ده تفوقتي علي نفسك بجد
بالتوفيق دايما
جميل اوي يا شهد
شايفاه من احلى كتاباتك بجد لانه واقعي واستخدمتي الفاظ بسيطة كعادتك توصل بسرعة بس المعنى قوي
بجد رائعة
فارس بلا جواد
الحمد لله ان الاوزان مظبوطة
و انا سعيدة بالاشادة دي و انه احسن بوست :)
شكرا بجد ع الكلام المشجع المفرح ده
تحياتي
blue nile
ازيك يا قمر عاملة اية منوراني
انا سعيدة من كلامك ده اوي يعني مش عارفة اقول اية
شكرا بجد
تحياتي
كلمات تحفة وبتقول حاجات
ياريت نحس بيها
تحياتى لكى
جامدة جدا
سلوي
ازيك يا سوسو نورتيني
ع فكرة ناس كتير شايفة و ساكتة ولا بتعمل حاجة
تحياتي
شاب فقري
منورني في اول زيارة
اتمني تكون المدونة عجبتك و تزورني دايما
و سعيدة ان البوست عجبك
تحياتي
هى تحفة وكلامها وهم بجد هايلة وصاحبة الكلام اللى هى انت واضح انك صاحبة احساس عالى اهنيكي واباركلك عليه
المسرحجي
اهلا بيك في عالم التدوين مستنية اول بوست ليك ان شاء الله هايكون هايل
و متشكرا فعلا ع الكلام الجميل ده اللي رفع من معنوياتي بشكرك بجد
نورتني
تحياتي
كلماتك جميلة بتعبر عن المهزلة اللي عايشينها بصراحة.. لان كل حاجة بقت شغل جلا جلا مفيش ضمير ولا احترام ولا اي مباديء
تحياتي
بشكرك على ردك اللى فى منتهى الذوق وان شاء الله ابدء التدوين قريب
اختى شهد ده اول مرة ازور مدونتك
بجد استمتعت بها جدااااا
والجميل فيها كلماتك منسقة جدا وفيها معانى كتير رغم بسطاتها
بجد ده شىء رائع منك
اما تعليقى على البوست
العيب ليس بالزمان ولكن بنا
نسينا ديننا فسانا
واذا لم تكن لنا العزة بديننا فسنكون الاذلاء
تسلمو اختى لطرحك الرائع الذى يسلج القلوب
ويشعرنا بمرارة الذنوب
فنرجع للبارى ونتوب
جوزيت كل خير لطرحك
اتمنى تقبلينى صديقة لكى ولمدونتك
اختك همس
جميل , بس مش هيفوق ابدا , هيفضل طول عمره نايم
شهد
ازيك
معلش جيت متاخر
بوست هايل
تحياتى
انا اول مرة ادخل هنا بس بجد بوست جميل والاجمل ان مدونتي تشبه اسم مدونتك
منتظر زيارتك
بيدو
في حب مصر
اهلا بيك في اول زيارة للمدونة اتمني ماتكونش الاخير
عندك حق ربنا يصلح من حالنا و يهدينا
تحياتي
المسرحجي
خلاص و انا مستنية البوست الجديد
تحياتي
همس الاحساس
نورتيني يا قمر في اول زيارة
و سعيدة بتعليقك الجميل ده جدا
و يشرفني صدقتك
و تنوري مدونتي دايما
تحياتي
زي الهوا
يا هلا بقول زيارة
لية التشائم ده ربنا يصلح الحال قادر ع كل شيء
نورتني و اتمني تواجدك دايما
تحياتي
اسامة
ولا يهمك يا اسامة المهم انك زرتني
و شكرا ع تعليقك
تحياتي
بيدو
اهلا بيك في اول زيارة بس يا رب ما تكون الاخيرة
و توارد افكار 2 شهد الكلمات هل من مزيد
مبروك ع مدونتك
تحياتي
السلام عليكم ورحمة الله وبركاته
دي اول زيارة للمدونه
بس بجد مش لقيا كلام اقولهلك
يلا اعمل ايه بسفي الكلام اللي
مايتعلقش عليه غير بجد راااااااااااائــع
تحياتي
الي اللقاء
ياريت يا شهد تبقى تقوليلى رأيك فى أول حاجة اكتبها على مدونتى الجديدة
جميل البوست ياشهد بجد
بسط وعميق جدا ودلالة واضحة على الواقع المعاصر انتى كل بسوت من افضل الى افضل حافظى على المستوى ده
ربنا معاكى
كيمووو
كلام حلو جدا
تحيتي لك وأنتظرك في مدونتي
الله عليكى بجد حلوه اوى
لما الضمير في القلب الجدع يترشى
و لما الحلال في لقمه عيشه يتنسى
و لما الحريم ببيع الهوا تتكسي
و لما شرفها تلبسه توب شفتشي
تحياتى..تحياتى..تحياتى
kemet
اهلا بيك في اول زيارة و اتمني ماتكون الاخيرة
و بجد انت كلامك رائع و اشكرك عليه فعلا
و نورت مدونتي
تحياتي
المسرحجي
بس انت نزل البوست و قولي و هاتلاقيني اول المعلقين
talagait
دي شهادة اعتز بيها
و ربنا يقدرني اني احافظ ع المستوي و اتحسن
نورتني
تحياتي
كاتب مصري
يا قهلالنين و سهلانين
شكرا ع الزيارة و مردودالك طوالي
تحياتي
كريم
يا هلا يا هلا بالغالي
اية اخبارك و النتيجة اخبارها اية طمني
عموما مبروك مقدما
و مرسي ع كلامك الرقيق
نورتني
تحياتي
انا نزلته ورينى هايكون مين اول المعلقين انت ولا ...
المسرحجي
علي فكرة انا بحاول ادخل من امبارح مش عارفة
واضح ان في مشكلة عندك الصفحة مش بتفتح من اصله
شهد
بجد انتى جميله
انتى فعلا عبرتى عن الزمن بطريقة واقعيه كل اللى بيحصل دلوقتى بالظبط
بس مش كل الناس برده وحشه اكيد لسه فى ناس كويسه ولو مش كده ماكنتيش استغربتى من الزمن وكتبتى الكلام دا
......................
تحياتى
سندريلا
سندريلا
كان زمان الكويسين كتيييييييييييير و قليل ما تلاقي حد وحش
لكن دلوقت اتقلبت الاية
ربنا يرحمنا و يهدينا يا رب
نورتي يا قمراية
تحياتي
الى يشوف جالا جالا ميقولش كدة خالص
ان القصييدة فييها الجمدان دة
بجد بتوصلى المعنى بابسط الكلمات
احييك
السهل الممتتنع
السلام عليكم ورحمه الله وبركاته
بجد جميله اوى
دمتى بكل خير
انا عايز اعلق تعليق جميل بس مش عارف
كل اللى اقدر اقوله
جمده جدا
والله الموفق
انتى اسلوبك جامد اوى اوى وانا استمتعت به وشيق وممتع جدا حتى يتخيل للبعض انه لو قراها حتى غدا لن يمل منها اتمنى لكى التوفيق ممكن تبادل الروابط
نونو
ازيك يا قمر عاملة اية منوراني
و مش عارفة اقولك اية ع الكلام المشجع الجميل ده ربنا يخليكي
و اتمني دايما اكون عند حسن ظنك
تحياتي
انا و الحب ننتظرك حبيبتي
اية يا باشا انت فين
قلقتنا عليك بس البوست اللي فات ع فكرة انا دخلت عندك المرة اللي فاتت و معرفتش اعلق في مشكلة عندك في التعليق بس علقت عندي في بوست سكرات وطن
و برده حاولت اعلق النهارده ع البوست الجديد بس برده مش عرفت يا ريت تشوف اية المشكلة دي
بوست جميل و اصعب غربة انك تبقي حاسس بغربة مع نفسك صدقني اي غربة تهون الا غربة نفسك
سعيدة انك رجعت للتدوين تاني و يا ريت تشوف مشكلة التعليق اللي عندك دي
تحياتي
memo
اية بس الكلام الجامد ده
ربنا يخليك
و يسعدني و يشرفني طبعا تبادل الروابط
تحياتي
الله..... لا بجد غايه فى الجمال, تسلم ايديكى, وتكتبى دايما, دمتى سالمه ومبدعه, تقبل مرورى, تحياتى ليكى, فى انتظار المزيد, حنين
انتى اسلوبك جامد اوى يا شهد بجد استمتعت بالبوست اوى ممكن اعرف رايك فيما ادون على مدونتى
حنين
يا هلا بالبنات الحلوين
اللي قاعدين منورين
و لمدونتنا مشرفين
شكرا بجد ع كلامك و ع مرورك
تحياتي
السماء الدامية
شكرا يا ميمو بجد و منورني
شكرا لك
كتير حلو
بجد ابهرتيني بإسلوبك الجميل
وفيه عمق شديد جدااا
وصدق قوي عن البشر والدنيا
تقبلي مروري المتواضع
http://www.alaq-alnada.com/vb
إرسال تعليق