عنوان الشقا ع الجبين مرسوم
و عيون بتبكي و ع الزمن بتلوم
و بطون من الجوع تصرخ تقول محروم
و الوجع دابب في قلب كله هموم
و المر واصل مالقلب للبلعوم
و أسراب من العذاب فوق في السما بتحوم
و صوت قنابل في الودان بتذوم
و وليد في حضن أمه مصيره محتوم
و شعر الجنين شاب قبل ما يقوم مالنوم
و دموع أم ولادها بيموتوا كل يوم
و أب بيودع صبيه صغير مرحوم
و نار و شرار في قلب كل القوم
ع اللي بناره حرقنا في يوم مشئوم
يا رب النصر من عندك في يوم معلوم
بوحدة صف نتجمع سوا و نقوم
و ننصر كلمة الحق و نرفع راسنا للنجوم
و نهزم بأيد واحدة عدو الشوم
بقلم / هاجر العشري
هناك 33 تعليقًا:
يا رب النصر من عندك في يوم معلوم
بوحدة صف نتجمع سوا و نقوم
امين يارب
تحياتي
عنوان الشقا ع الجبين مرسوم
و عيون بتبكي و ع الزمن بتلوم
و بطون من الجوع تصرخ تقول محروم
و الوجع دابب في قلب كله هموم
ِشهد كلمات رقيقه جدا
وفيها شئ منن الواقع وتمس القلب
تحياتى
ليه يا شهد كده
فعلا الواقع دايما اليم والصورة حزينة
كلامك رغم حزنه الا ن تعبيراتك جميلة جدا واسلوبك ماشاء الله رئع
تحياتي
شهد بجد كل بوست مستواكي بيتقدم عن اللي قبله .. واضح فعلا انك بتحبي الشعر وبتعطيه اهتمام عشان كده ان شاء الله هتوصلي فيه لدرجة متقدمة
انتي فعلا عندك الموهبة .. والشعر المرة دي فكرني شوية باشعار صلاج جاهين .. مش عارف لو كنتي بتقريله ولا لا .. بس يا ريت تقري معظم أعماله لأن شعرك يتناسب مع مدرسته جدا
بالتوفيق دايما وتحياتي
جميل يا شهد بس لى تعليق ...
حضرتك متمسكة بالقافية كتير و ده بيخنق الشاعر ....
و عارف انها مشكلة كل الشعراء أصل بكتب شعر برده و عارف إن القافية هى لعنة الشاعر لانها بتقيد من إنطلاق مشاعره
فالحل انك تتحررى من القافية ليس كليا بل يكون من منطق (( إذا جت خير وبركة إذا ما جتش ميضرش ))
تحيااااااتى ( عمرو وجيه )
عنوان الشقا ع الجبين مرسوم
و عيون بتبكي و ع الزمن بتلوم
و بطون من الجوع تصرخ تقول محروم
و الوجع دابب في قلب كله هموم
ربما يكون البوست حزين لكن متفق مع فارس ان مستواكي في تقدم مستمر , بوست جميل اوي وحزين اوي
مممممممم يعني انتي تضحكينا في المدونه التانيه وتنكدي علينا هنا
سلامممممممممممممممممم
بسم الله ما شاء الله
مستوى أعمالك كم أشار دكتور فارس بلا جواد وكذلك الفارس الملثم فى تقدم رائع وإن كنت أتفق مع عمرو وجيه إن الإلتزام الشديد بالقافية كسر الوزن فى بعض الأبيات.
لكن رغم ذلك مازلت أصر أن المستوى العام يتقدم ما شاء الله وربنا يوفق دائماً.
أما بخصوص الموضوع: فهو موضوع يدمى القلب لذا أنضم معك فى الدعاء يارب النصر من عندك
تحياتى يا شهد
بس مين يسمعلك
...................
وليد في حضن أمه مصيره محتوم
و شعر الجنين شاب قبل ما يقوم مالنوم
.............................
سندريلا
kochia
امين يا رب العالمين
نورتيني يا قمر و نورتي المدونة
تحياتي
اسامة
منورني يا اسامة و بجد شكرا ع تعليقك الرقيق
تحياتي
blue nile
ازيك يا قمر عاملة اية شيء طبيعي دايمة الحقيقة بتوجع بس لازم نحسها و نفكر نفسنا بيها عشان ما ننسهاش
و مبسوطة ان البوست عجبك
تحياتي
عارفة مسيتى قلبى جداااااااااا
وافتكرت محمد الدرة وكل الاطفال اللى ماتوة
بجد جميلة ورقيقة
د.أحمد
يا فرحة قلبي بالكلام الجامد ده
يعني اقول اية كلامك تملي بيشجعني و يديني دفعة للامام بس خلي بالك لاتوقعني :)
و بالنسبة لصلاح جاهين فبصراحة ماحتكتش بكلماته علي ورق يعني يدوبك في اغاني سعاد حسني و كدة يعني
بس دي حاجة تسعدني ان كتابتي تشبه كتابة حد كبير زيه
بس صدقني انا بكتب اللي بحسه لا عرف بقي تبع اني مدرسة ولا حاجة و ده مش انعرة ده عشان انا معرفش مدارس اصلا
اسعدني كلامك بجد
تحياتي
عمرو وجيه
انت عارف ساعات بحط نفسي في تحدي اني اجيب المعني اللي انا عايزاه منغير ما اخل بالقافية
بس اه معاك حق ساعات بتخنقني القافية
نورتني
تحياتي
محمد
يا محمد انا بعمل لمصلحتكم نكد و ضحك و نكد و ضحك ببستركم بسترة شعرية هههههههههههه
هو الحقيقة بتوجع يا محمد عشان كدة بتكون حزينة
و انا مبسوطة انك شايف ان مستوايات الكتابة في صعود مستمر
ده راي يهمني و يسعدني
تحياتي
قلب مصري
لا والله ده كتير عليا يعني احمد و محمد و مصري يقولولي ان اسلوبي في تقدم ده اية الدلع ده
يعني والله اخجلتم تواضعنا
و انا زي ما قلت لعمرو اني بتحدي نفسي في موضوع القافية دي
و ربنا يتقبل مننا الدعاء و يتصرنا علي ولاد اللذينا
تحياتي
سندريلا
يا هلا يا هلا
ربنا سميع مجيب الدعوات هو اللي قادر علي كل شيء
نورتيني بجد
تحياتي
نونو
ربنا يرحمهم و يرحمنا و يرحم موتانا اجمعين
و شكرا ع كلامك الجميل عن البوست
نورتيني يا قمر
تحياتي
مش عارف اقولك ادى ايه الموضوع ده مؤثر يا شهد فعلا يوجع القلب
حلوة الكلمات
كالعادة
تحياتى
مثلتى الواقع بجميع اشكالة وافظعها وعبرتى بشكل جميل اوى اوى بجد تسلم ايدك تحفة
قصيده عاميه حلوه وموزنه تمام. بس ياترى بتتكلم عن اى مكان؟ كل الاماكن بقت متشابهه....فلسطين ولا العراق ولا لبنان ولا السودان ولا حاجه فى المستقبل احنا لسه مش عارفينها....مش عارف
كريم
سلامة قلبك معلش ماكونتش عاوزة انكد عليكم بس هي تملي الحقيقة بتوجع
blue wave
علي فكرة يا دكتور انت بتنورني بتعليقك كل مرة
و شكرا ع كلامك
تحياتي
بيري
يا هلا يا هلا بالبنات الحلوين
تسلمي يا قمر انا مبسوطة ان البوست عجبك و معلش ع النكد اللي وصلك
منوراني
تحياتي
محمد داود
و الله انا سبتها مفتوحة كلنا وطن واحد و بنتوجع من اللي بنشوفه كل يوم سواء بقي في لبنان ولا العراق و لا فلسطين و لا غيرها الوجع في القلب واحد
ربنا ينصرنا و يثبت خطانا
نورتني
تحياتي
ياااااااااة
اد اية الكلام موجع
لكنها هكذا دائما الحقائق
مؤلمة وموجعة
تحياتى للكلمات المعبرة عن واقع مرير
انتظرك...
نسيت اقولك ان العنوان نفسة تحفة اصلا
وجذااب جدا جدا
تقبل تحيااتى
كلماتك جميلة و معبرة و يارب النصر انشاء الله و تحياتى لكى
دعاء
يا مراحب بيكي في اول زيارة
نورتيني بجد و اتمني تنوريني دايما
و شكرا ع كلامك الجميل و سعيدة ان البوست لمس مشاعرك و ان العنوان عجبك
تحياتي
دعوة للامل
بتمني يجي يوم النصر قريب و يهون علي اخونا المسلمين في كل مكان مصائب الحروب
شكرا ع كلامك الرقيق
نورتيني
تحياتي
السلام عليكم ورحمه الله وبركاته
صديقتى شهد الكلمات
ماأجمل كلماتك التى قراتها لكِ
ولكن هنا لحظه فراق
صديقتى دمتى بكل حب وخير
فالنفترق
صديقتى انتِ مش المقصوده بالكلمه دى
انما الكون باكمله
والله الموفق
تركت بوست اخير
اتمنى ان تذهبى لمدونتى وتقرائيه
انا و الحب ننتظرك حبيبتي
انا حاولت اعلق عندك في المدونة بس واضح ان فيه مشكله
اتمني انك تقرا كلامي
الهروب عمره ما كان حل ولو هربت من حاجة حصلت تبقي الحاجة دي قهرت و اقوي منك و ماعتقدش ان في اقوي من نفسك
اقهر الحزن اللي جواك مافيش حاجة في الدنيا دي تستاهل انك تحزن عشانها
ثم فكرة انك تقفل المدونة مالوش لازمة خالص تقفلها لية انت فتحها عشانك مش عشان حد تاني
فضفض فيها كل اللي انت حسه
خرج فيها كل مشاعرك لو مش قادر تشكي اشكي لقلمك خلي قلمك يعبر ع اللي جواك
عمر الهروب ما حل ازمة بالعكس ان هاتحط نفسك في ازمة اكبر منها
ربنا خلقنا احرار و مش ممكن نسجن روحنا جوة قمقم لمجرد جرح او صدمة حصلت في حياتنا لو ع الصدمات يا مصطفي كنت زماني انتحرت من زمان و ريحت نفسي
و حتي لو الصدمة اللي عندك دي من اعز الناس ليك ماتفكرش فيها بالبلعكس دي فرصه انك تنسى اسرع
لان اللي جرحك اكيد مايستهلش مشاعرك اللي انت حاسس بيها
قرب من ربنا و ادعي انه يزيح عنك الغمه و التاني مرة ربنا ماخلقناش ضعفة ان اول حفرة نقع فيها ما نقدرش نقوم بعديها
اتمني تقرا تعليقي و ربنا يوفقك و منتظرة بوستك الجديد بفارغ الصبر
تحياتي
إرسال تعليق