تنبيه

تــنـبـيـه ... كــل ما يـنـشر بهـذه المـدونـة مـسـجـل من قـبـل حـقـوق الـمـلكـية الفـكـريـة و أي اقـتـبـاس او نـقـل لمحتـوى المدونـة يعرضــك للمسـائلـة القـانـونـيـة

الاثنين، 6 يونيو 2011

امسك حرامـــــــي

امسك حرامـــــــــــــي

بصوا بقي انا ايدي وجعتني من الكتابة اية ده كل دول ناس سارقة اشعاري هي حلوة للدرجة يعني !!!!
بعمل سيرش في جوجل لاقيت بلاوي و عمالة اعلق بقي و ازعق و اشتكي لما تعبت من امبارح و انا في معانا ياريتني ما عملت سيرش كان زماني مروقة دماغي
هي الناس ماعدش عندها ضمير كدة لية ازاي تنسب لنفسها عمل و مجهود مش ليها و ازاي تشعر بسعادتها و الناس بتعلق على عمل مسروق طيب اية احساسك الداخلى و انتا سارق و بترد على اعجاب الناس بالموضوع اللي انتا سرقته بأنى وش بتر بأنى احساس

يا جماعة اتقوا الله
دي سرقة هو انتا لازم تدب ايدك في جيب حد عشان تبقي سرقته ما انتا سرقت افكاري و مجهودي و عصارة فكرى عشان اطلع كلمة كويسة تعجبك فاتسرقها

حسبي الله و نعم الوكيل

لو حاجة عجبتك و حبيت تنشرها على صفحتك ولا مدونتك و ماله بس اكتب انه منقول اكتب اسم المدونة و اسم صاحب المدونة مش تستهبل و تنسبها لنفسك

لا و واحد حدق محرف شوية في الكلمات يعني انتا كدة مش هاتتقفش اديني قفشتك

اتقوا الله

هاقول اية القافلة تسير و الكلاب تعوى و حسبي الله و نعم الوكيل
 
تحياتي
هاجر العشري

هناك 16 تعليقًا:

لــــ زهــــــراء ــــولا يقول...

حسبنا الله ونعم الوكيل

لولا

Butterfly يقول...

ههههههههههههه
معلش الناس لسه موصلتش لمستوى الثقافه ده

غير معرف يقول...

مساء الغاردينيا شهد
يمسك مين ياست الكل
في النت ماتستغربيش لو لقيتي
كلماتك في كل حته بجد بعاني من المشكلة دي دا حتى بعضهم رجالة بيسرق خواطري
طب عايزة افهم مش بيغير صيغة الكلام ليه ههههههههههه يعني حرامي بس مغفل
؛؛
؛
لروحك عبق الغاردينيا
كانت هنا
reemaas

الازهرى يقول...

غرييييييييييبة
اول سرقة يبقى اسمى مش موجود فيها

ما علينا خلى الجيل الجديد ياخد فرصته ويتعلم
احنا مش زى النظام السابق بنكبس على قلب المواهب لما تتخنق

اعملى زيي
باكتب اللى فى قلبى وارميه من دماغى
وعلى رأي الفلاحين
اللى يقبل يشيل
وتفضل برضه الموهبة الصافية

momken يقول...

ازيك يا شهد
انا جيت اهو لما لاقيتك بتصوتى وتقولى امسك حرامى
وزى مانتى عارفه انا لبعضيها

انا قلت اتسرق منك موبيل وى حد بموتسيكل خطف الشنطه

الاقيكى بتقولى البوستات
يابنتى احنا بنتسرق من واحنا صغيرين وعايشين اهو وزى الفل
انا لو دورت هلاقى حسنى مبارك سرق منى بوستات واستيتسات

هى الدنيا كده
روقى وخليها على الله
وخالى شعارك انا بتسرق اذا انا موجود
خالى الحرامى لو يقدر يسرق دماغى
كفايه انى لو وقفت هو هينكشف

احمى مدونتك بقانون حمايه الملكيه الفكريه


تحياتى

paix يقول...

هاجر انا يمكن نقلت منك شغلات بس والله الناس عارفين انها شغلات عجبتني عالنت ومش انا كاتبتها بس والله ما كان ببالي اذكر اسمك عليها بصراحه انا بعتبرك متل احلام مستغنماتي معروف طابعك بالكتابه ومعروف انه هالكلام لألك انا اسفه ما كان قصدي ومن هلأ ما رح اكتب شغله الا واسمك موجود بالاخر اسفه اسفه ازا دايقتك انا

SHAPE YOUR LIFE (ABOALI) يقول...

جميل اننا يسرق مننا اشياء
لانه دليل اننا على الطريق الصحيح
وان كلماتنا لها صدى لدرجة انها تنقل هنا وهناك

السرقة منذ بدء الخليقة وليست دخيلة

لذا لنبتسم ونكتب من جديد
وعلى راى المثل
بات مسروق وبلاش تبات سارق

Emtiaz Zourob يقول...

والله يا هاجر ، المشكلة هذه قابلتها مع عدة مدونين ، الكل بيشكي من سرقة افكاره وكلامه ، طيب يعمل ايه الواحد ، يبطل يكتب مثلا ولا يعمل ايه ، يرفع قضية ولا يسجل كتاباته في الشهر العقاري ؟؟

عن جد مشكلة كبيرة وعويصة ، بس افضل شيء انه الواحد يسجلها في كتاب عادي بتاع الورق ، يمكن يحفظ حقه .

3araby يقول...

للأسف يا شهد فيه ناس لا تملك ثقافة احترام أفكار الآخرين .. ودى مشكلة تواجه معظم المدونين .

اعتقد انى اتفق مع " وجع البنفسج " فى ان يتم تسجيل الأشعار والكتابات فى الشهر العقاري ..:)

غير معرف يقول...

je suis vraiment désolé pour toi,il faut porté plainte et signaler les blogueurs qui font ça sur googole .bisou nour de paris

SHAPE YOUR LIFE (ABOALI) يقول...

جيت اطمئن احسن يكون الحرامى
سرق كيان بنحبه
تؤتؤ
اوووووووووووعى يكون كده

طمنا عليك اخا العرب

Atlalloly يقول...

هههههههههههه عجبتني حكاية الي محرف في كلام دا وانتي قفشتيه هههههههههههه

معلش روقي دمك,,هتعملي ايه بقا

ناس عقولهم ما تتعداش الكوبي والبست فقط

اما انهم يفكرو ويشغلو عقلهم ويكتبو حاجة تعبر علي نفسهم نو مش هتلاقيهم كدا


بس هو دا النت هتعملي ايه يبقا ويس نبهتيني انا جديده علي المدونات يبقا مش هكتب اشعاري وهكتفي بالمواضيه وخواطر و الفضفضه

^_^

Unknown يقول...

بصي انت حاولي أنك تسجلي أشعارك في الشهر العقاري مع ان دة مش حماية كافية و لكن أفضل حل هو انك تلقيها قدام ناس كتير و صوريها و حطيها على ال blog ..في صحفي قاللي ان دة أفضل حل

وعد يقول...

والله أنا ناقلين مقدمه مدونتي بالالوان نفسها حتى والترتيب نفسه والصور نفسها

طيب يغيروا شويه على الاقل الالوان الخط الصور هههههه

الله المستعان بس ياستي ماتزعلي أبداً

أعتبري أن الله سبحانه وتعالى سخر لك غيرك من الناس من ينشر كلماتك

صحيح هي حاجه بتقهر بس شو نعمل ؟؟

غير معرف يقول...

انا رأيي كمان تسجليها في الشهر العقاري وإذا هي مجموعة مناسبة نزلي كتاب شو المانع ؟؟؟الله يوفقك إن شاء الله ....وهو فعلا شي بيقهر كتير

osama elyaddak يقول...

عندما يصبح الحدث متكرر ومتواتر يتحول إلى عرف. خلاص النت بقى مشهور بالسرقات والإقتباسات والنقل. والعاقل يكبر دماغه علشان ضغط دمه ما يترفعش. وليكن عزاءك أن فكرك يصل إلى الناس ويقرأونه ويستفيدون منه بصرف النظر عمن وصل إليهم هذا الفكر، هو من جانب آخر قام بعمل الناشر بالنسبة لك. وجزاك الله خيرا عما نشرته فهو أفاد الناس. أرجو أن تكون كلماتي عزاء لك كما أرجو أن تكون عزاء لي أيضا.
أسامة اليداك