تنبيه

تــنـبـيـه ... كــل ما يـنـشر بهـذه المـدونـة مـسـجـل من قـبـل حـقـوق الـمـلكـية الفـكـريـة و أي اقـتـبـاس او نـقـل لمحتـوى المدونـة يعرضــك للمسـائلـة القـانـونـيـة

الاثنين، 10 أغسطس 2009

ذهبــــت



كنت انتظر خروجهم بفارغ الصبر فانا لا أحب مثل تلك المحاضرات فهي دائما ما تحوى صور و مقاطع فيديو لعمليات جراحية يقشعر لها بدني و بالطبع لا اجلس هناك استمتع بمشاهدة أجساد العباد و هي تٌشرح , لذلك خرجت و انتظرت بالخارج حتى انتهوا من تلك المحاضرة اللعينة
و عند دخولي كانت تقف سيدة متوترة تنتظر خروج احد الأطباء الجراحين المعروفين لدينا بالمستشفى و سألتني عنه فجعلتها تقابله بمكتبي المتواضع حيث كانت المحاضرة و شرعت أنا أجمع أجزاء جهاز الـ Data Show الذي كانوا يعرضوا عليه صور عملياتهم المرعبة
كان بين الحين و الأخر يأتي على مسامعي ألفاظ مثل أشعة بالصبغة ... تحاليل.... و أسئلة شخصية كثيرة محرجة و أنا اصطنع تركيزي بما اعمل حتى لا أحرج السيدة و أنا اسمع شكواها .
و خرج الطبيب و معه مساعده و بقيت السيدة تعيد لف حجابها فمن الواضح انه تفحص رقبتها و لكني لم ألحظ
وقفت تنظر لي و عينيها تتفجر منها الدموع و قالت بصوت غير مسموع شيء ما فسألتها من جديد فقالت بنفس الصوت فسألتها ثانيا فقالت بصوت متقطع منهار لدي ورم !!!! و انخرطت في البكاء
يا ألهي أنا لا انفع في مثل تلك المواقف ماذا عساي أن افعل همهمت ببعض الكلمات المواسية و أنا خجولة لا ادري ماذا افعل و حاولت أن أطمئنها أن هذا الورم بإذن الله سيكون حميد ثم خرجت السيدة و تركتني ورائها
يأكلني الندم
لم تكن تنتظر مني تلك السيدة تلك الكلمات
قالتها لأنها كانت تريد أن ترتمي في أحضاني و تبكي ...... نعم تذكرت ذلك الشعور الذي راودني منذ أيام عندما شعرت أني أود أن ابكي بين ذراعي شخص حاني ابكي و ابكي حتى افرغ ما بداخلي من حزن و لكني لم افعل لان التساؤلات سوف تغمرني ( لماذا تبكي ... ماذا بكِ) و أنا لا أود سوى البكاء فالكلام يجرح و الشكوى تكوي القلوب
و هذه السيدة لمن تبكي لزوجها الملكوم أم لأبنائها الذين في عمر الزهور بالطبع تحتاج لكتف تبكي عليه و يد حنونة تربت عليها
خرجت ورائها مسرعة أحاول أن أعالج ما أفسده خجلي و حمقي و قلة إدراكي و لكن بعد فوات الأوان ........ لقد ذهبت


هـــاجـــر

هناك 19 تعليقًا:

SHAPE YOUR LIFE (ABOALI) يقول...

مر احدهم فى الطريق
فوجد رجل اعمى وعنده شلل وعجز كامل
ويجلس فى الطريق
فسمعه يقول الحمدلله الذى عافانا مما ابتلى به الاخرون

فقال له المار

تحمد الله على ماذا يا هذا

لقد اصبت بجميع الامراض

فقال له


الحمد الله

الذى اعطانى لسانا شاكرا
وقلب" خاشعا
وجسدا" على البلاء صابرا



الذهاب ليس معنها اللاعوده

وانما هو بدايه العودة


كلنا نذهب والكل سيعود


تحياتى

momken يقول...

اسال الله سبحانه وتعالى ان يشفى كل مريض
وان يرزقهم الصبر والرضا بقضاء الله
فهذا اختيار الله

فكما ان المنحه هديه الله فالبلاء ايضاً اختيار الله سبحانه وتعالى وهو امتحان الله لعبده

موقفك طبيعى ياسيدتى
فمع الصدمه الاولى لا يستطيع الفرد الا ان يغلبه مجموعه من المشاعر المتداخله
مابين الشفقه والمواساه والانزعاج والتعاطف وحمد الله اخيرا على ان هذا الامر ليس فينا ولا فى احد احبائنا
ثم يبداء فى لم شمل نفسه ويربط جأشه حتى يواسى المصاب على ما الم به

اسال الله ان يبعد عنك البلاء وان يشفى كل مرضى المسلمين ومنهم جدتى


تحياتى

Dr Ahmed Said@Black Armor يقول...

اولا كل سنة وانتى طيبة بمناسبة شهر رمضان
عارف الاحساس ده كويس كتير اوى الواحد بيحتاج حد يبكى على كتفهواحيان كتير بتحتاج حد ما يعرفكش حد غريب عنك
علشان كده بحس ان جماعات الدعم اللى فى امريكا زى علاج الادمان وكده فكرة جميلة
الا ان طبعا الخصوصية وثقافتنا مختلفة قوى عنهم
ربنا يشفيها ويشفى كل مريض
دمتى بخير

طوبه فضه وطوبه دهب يقول...

a7yanan el sadma aw hwl el mokf w3dm tkhelo yg3lna gher kadren 3la el tsarf wflnhaya ln tagd hya ao ay ansan a7n mn allah ky ylgaa aleh ao a7n 3leh

الازهرى يقول...

كثيرا جدا ما نخطىء فى القرارات اللحظيه والتجاوب مع الأخرين

وغالبا ما يكون ما يوقظنا هو أن نكون فى مكانهم
وكم مرت علينا المواقف وستمر أكثر
وتستمر الحياه

****************************
الذي كانوا يعرضوا عليه صور
يعرضون

تحياتى دوما

سمكه واحده يقول...

يارب يشفيها ويشفي مرضي المسلمين
الهم امين
متزعليش نفسك وتأنبي نفسك انك معملتيش كده
احيانا كتير بيبقي في حجات كتير بنبقي نفسنا نعملها في وقتها ومتعرفيش ايه الي بيحصل او نقول لنفسنا ليه معملناش كده لو كنا عملنا كده؟
بتحصل لينا كلنا كتير
قدر الله وماشاء فعل
ممكن يكون من الصدمه
رد الفعل
بس كل اللي نقدر نقولوا ربنا يعفينا ويعفيها يارب
كل سنه وانتي طيبه

طـائر الليــل الحـزين يقول...

بجد ربنا يكون فى عونك فى اللى بتشفيه
بجد الدراسة للطب صعبة قوى
والمواقف والمأسى اللى بتشوفها للناس ولحزنهم بتكون مؤلمة قوى
تحياااااااااتى
وكل سنة وانتى طيبة

شهد الكلمات يقول...

ابو على

الحمد لله الذي عافانا مما ابتلى به كثيرا من قومه و فضلنا عن عباد كثيرين

ربنا يشفيها و يشفي مرضى المؤمنين اجمعين

نورتني يا بو على و كل سنةو انتا طيب

تحياتي

شهد الكلمات يقول...

ممكن

عمت مساءا يا سيدي :))

ربنا يتقبل دعائك يا رب و يشفي جدتك و مرضى المسلمين اجمعين

كل سنة و انتا طيب يا ممكن نورتني

تحياتي

شهد الكلمات يقول...

Dr.A.R

و انتا طيب و بصحةو خير و سعادة

فعلا معاك حق احنا محتاجين حاجة زي دي عندنا بس عشان حاجة زي دي تتحقق محتاجين مئات السنين عشان نشيل من دماغ الناس ان العلاج النفسي و المؤازرة النفسية مش عيب بل بالعكس ده شيء حضاري جدااااااااااااا

كل رمضان و انتا طيب و منزر مدونتي دايما

تحياتي

شهد الكلمات يقول...

طوبة فضة و طوبة دهب

و نعم بالله مافيش احن و لا اقرب من ربنا نلجئ له
ربنا يهون على قلوبنا كل ألم و حزن و غم احنا و المسلمين اجمعين

نورتيني يا قمر و كل سنةو انتي طيبة

تحياتي

شهد الكلمات يقول...

الازهري

اللي مضايقني في التهنيجة دي كلها اني حاسة اني قصرت في حقها
ربنا يسامحنى بقي و يشفيها و يرحمها و يخفف همها هي و مرضى المسلمين اجمعين يا رب

كل سنةو انتا طيب يا ازهري

ملحوظة سمعت انهم لغوا موضوع الانترنت المحدود بس مش عارفة مدى مصداقية الكلام

نورتني

تحياتي

شهد الكلمات يقول...

طائر الليل الحزين

ازيك يا قمر كل سنةو انتي طيبة

هو انا مش طالبة في الطب ولا ليا علاقة بالطب خالص الحمد لله بس انا بشتغل في مستشفى و بشوف الحاجات دي هناك ماقولكيش اد اية
ربنا يشفى كل مريض

رمضان كريم

نورتيني يا قمر

تحياتي

شهد الكلمات يقول...

سمكة واحدة

امين يا رب العالمين

كتير بتحصل فعلا بس لبما بتكون في مرض التأنيب بيكون اكتر

عموما زي ما قولتي قدر الله و ما شاء فعل ربنا يهون عنها الالم و يرحمها و يشفيها بحق الشهر الكريم اللي قرب

كل رمضان و انتي بخير

نورتيني يا قمر

تحياتي

شهد الكلمات يقول...

نور

كل رمضان و انتي طيب يا نور وحشتيني بجد
ربنا يعود عليكي رمضان بالخير و اليمن و البركات

نورتيني

تحياتي

صاحبة هدف يقول...

شعرت أني أود أن ابكي بين ذراعي شخص حاني ابكي و ابكي حتى افرغ ما بداخلي من حزن و لكني لم افعل لان التساؤلات سوف تغمرني ( لماذا تبكي ... ماذا بكِ) و أنا لا أود سوى البكاء فالكلام يجرح و الشكوى تكوي القلوب


ياااااه
العبارات دي أثرت فيا جدا
فعلا دي حقيقة

لعله خير
وبإذن الله ربنا هيمسح الحزن من قلبها
ادعيلها

وربنا ييسر لك
تفائلي
لسه في حاجات في الدنيا جميل وحلوة

تقبلي مروري

سمكه واحده يقول...

كل سنه وانتي طيبه يا هاجر
رمضان كريم

نـــــور يقول...

وانتى طيبه ياحبيبتى
انا رجعت اهو اقولك رمضانك كريم وكل سنه وانتى طيبه
لانى المره اللى فاتت معرفتش انطق لما قريت البوست

انتى كمان واحشانى اوى

ادعيلى

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهم علي النحو الصحيح
ورطب ألسنتنا بذكرك يا الله